མེག་སི་ཀོ་ལུ་ ཨཱཛ་ཊེ་ལི་ཡའི་ བལྟ་བཤལཔ་ ༢ དང་ ཡུ་ཨེཛ་གི་ བལྟ་བཤལཔ་ ༡ བྱང་སྟོར།

རོའི་ཊརཛ།
སྤྱི་ཟླ་ ༥ པའི་ཚེས་ ༢ ལུ་ རྒྱལ་སྤྱིའི་གནས་ཚུལ་ནང་ བཀོད་དོ་བཟུམ་འབད་བ་ཅིན་ མེག་སི་ཀོ་ལུ་ ག་ནི་བ་ཡང་ ཉེན་ཁ་ཆེ་བའི་མཚོ་འགྲམ་ བ་ཇ་ཀ་ལི་ཕོར་ནི་ཡ་ཟེར་སར་ རླབས་རྩེད་འབད་མི་ ཨཱཛ་ཊེ་ལི་ཡ་ལས་ བལྟ་བཤལ་པ་ ༢ དང་ ཡུ་ཨེཛ་ལས་ ༡ འབདཝ་ད་ བལྟ་བཤལཔ་ ༣ བྱང་སྟོར་ཤོར་ནུག་ཟེར་ཨིན་པས།
དེ་སྦེ་ བྱང་སྟོར་ཤོར་མི་ ༣ ཡང་ ཨཱཛ་ཊེ་ལི་ཡ་ལས་ ཀ་ལམ་དང་ ཇེག་རོ་བིན་སཱན་ཟེར་མི་ སྤུན་མཆེད་ ༢ དང་ ཡུ་ཨེཛ་ལས་ ཇེག་ཀར་ཊར་རཱོད་ཟེར་མི་ཚུ་ཨིནམ་སྦེ་བཀོད་ནུག།
ཁོང་ ༣ བྱང་སྟོར་ཤོར་ཡོད་པའི་སྐོར་ལས་ སྤྱི་ཟླ་ ༤ པའི་ཚེས་ ༢༩ ལུ་ བ་ཇ་ཀ་ལི་ཕོར་ནི་ཡའི་ རྩོད་བཤེར་ཡིག་ཚང་ནང་ སྙན་ཞུ་འབད་ཡོདཔ་ད་ དེ་བསྒང་ ཁོང་ ༣ ཡུ་ཨེཛ་གི་ ལྷོ་ཕྱོགས་ཁ་ཐུག་ལུ་ ཆུ་ཚོད་ཕྱེད་དང་ ༢ དེ་ཅིག་འགོར་མི་ མེག་སི་ཀོའི་ ས་མཚམས་ཁར་ རླབས་རྩེད་ཀྱི་དོན་ལུ་ སོང་ཡོདཔ་སྦེ་ཨིན་པས།
མི་ལ་ལོ་ཅིག་གིས་ ཨཱཛ་ཊེ་ལི་ཡ་ལས་ཨིན་མི་ བལྟ་བཤལཔ་ ༢ ཀྱི་ ཉེ་ཚན་ཨིནམ་སྦེ་ བྱང་སྟོར་ཤོར་བའི་སྐོར་ལས་ མི་སྡེ་བརྡ་བརྒྱུད་ཚུ་ནང་ བཀོད་དེ་ཡོད་རུང་ ཉེ་ཚན་ངོ་མ་ཚུ་གིས་ བསམ་བརྗོད་ཚུ་ ག་ནི་ཡང་ བཤད་མ་བཏུབ་པས་ཟེར་ བཀོད་འདུག་པའི་གནས་ཚུལ།

Please follow and like us: