ཕི་ལི་པིན་ལུ་ཡོད་མི་ རྒྱ་ནག་གི་ དོན་གཅོད་པ་ཚུ་ ཕྱིར་བཏོན་གྱི་བརྡ་སྐུལ།

རོའི་ཊརཛ།
སྤྱི་ཟླ་ ༥ པའི་ཚེས་ ༡༠ ལུ་ ཕི་ལི་པིན་ རྒྱལ་ཡོངས་སྲུང་སྐྱོབ་གྲོས་དཔོན་གྱིས་ ཕི་ལིན་ལུ་ཡོད་མི་ རྒྱ་ནག་གཞུང་ཚབ་ཡིག་ཚང་གི་ དོན་གཅོད་པ་ཚུ་གིས་ བརྡ་དོན་རྫུན་མ་ཚུ་ ཁྱབ་སྤེལ་འབདཝ་ལས་ དོན་གཅོད་པ་ཚུ་ ཕི་ལི་པིན་ལས་ ཕྱིར་བཏོན་འབད་དགོཔ་སྦེ་སླབ་ནུག།
ཨིན་རུང་ རྒྱ་ནག་གི་ ཕྱི་འབྲེལ་ལྷན་ཁག་ལས་ ངོ་ཚབ་ཅིག་གིས་ བཤད་དོ་བཟུམ་འབད་བ་ཅིན་ ཕི་ལི་པིན་ རྒྱལ་ཡོངས་སྲུང་སྐྱོབ་གྲོས་དཔོན་གྱིས་ དེ་སྦེ་ སླབ་མི་དེ་ ཁོང་ཁྲོ་ལང་ནི་གི་ གཞི་ཅིག་ཨིནམ་ད་ རྒྱ་ནག་གི་ དོན་གཅོད་པ་ཚུ་ལུ་ ཁོང་རའི་ལཱ་འགན་ཚུ་ ལག་ལེན་འཐབ་བཅུག་དགོ་ཟེར་ཨིན་པས།
རྒྱ་ནག་གི་ དོན་གཅོད་པ་ཚུ་ ཕི་ལི་པིན་ལས་ བཏོན་བཏང་དགོཔ་སྦེ་ བརྡ་བསྐུལ་འབད་མི་དེ་ཡང་ གཙོ་བོ་ར་ ཕི་ལི་པིན་གྱི་ དམག་སྤྱི་དང་ རྒྱ་ནག་གི་ དོན་གཅོད་པ་ཅིག་གི་བར་ན་ གྲོས་གླེང་བྱུང་མི་དེ་ ཁྱབ་སྤེལ་བཏང་ཡོད་པའི་ དོགས་པ་ལུ་བརྟེན་ཏེ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: