ར་ཤི་ཡ་གིས་ རྒྱ་གར་རྒྱལ་ཁབ་དེ་ རྩ་བརྟན་མེདཔ་ བཟོ་ཐབས་ཀྱི་ཁ་ཉེས།

ཨེན་ཌི་ཊི་ཝི།
སྤྱི་ཟླ་ ༥ པའི་ཚེས་ ༩ ལུ་ ར་ཤི་ཡའི་ ཕྱི་འབྲེལ་ལྷན་ཁག་ལས་ རྒྱལ་གར་རྒྱལ་ཁབ་ནང་ ཚོགས་ཁང་འོག་མའི་ བཙག་འཐུའི་སྐབས་ལུ་ ཡུ་ཨེཛ་གིས་ རྒྱ་གར་རྒྱལ་ཁབ་དེ་ རྩ་བརྟན་མེདཔ་ བཟོ་ཐབས་འབདཝ་མས་ཟེར་ བཤདཔ་ཨིན་པས།
དེ་ཡང་ ཡུ་ཨེཛ་གི་ སྙན་ཞུ་ཅིག་ནང་ ནིའུ་དིལླི་གིས་ ཆོས་ཕྱོགས་ཀྱི་ ཐོབ་དབང་ལས་འགལ་བའི་ ལཱ་བྱ་འཐབ་ཡོད་པའི་ ཁ་ཉེས་བཀལ་བའི་ཤུལ་ལས་ གསལ་བཤད་འབད་ནུག།
ར་ཤི་ཡའི་ ཕྱི་འབྲེལ་ལྷན་ཁག་ལས་ མ་རི་ཡ་ཟ་ཁ་རོ་བ་གིས་ བཤད་དོ་བཟུམ་འབད་བ་ཅིན་ ཡུ་ཨེཛ་གི་ཁ་ཐུག་ལས་ རྒྱ་གར་གྱི་ རྒྱལ་ཡོངས་མནོ་ཐངས་དེ་ ཧ་མ་གོ་བར་ བདེན་ཁུངས་མེད་པའི་ ཁ་ཉེས་ཚུ་ བཀལཝ་མས་ཟེར་ཨིན་པས།
གནད་དོན་དེ་གི་སྐོར་ལས་ ཡུ་ཨེཛ་ལྷན་ཚོགས་ཀྱི་ ལོ་བསྟར་སྙན་ཞུའི་ནང་ རྒྱ་གར་གྱིས་ ཆོས་ཕྱོགས་ཀྱི་ ཐོབ་དབང་ལས་འགལ་བའི་ ལཱ་བྱ་འཐབ་དོ་ཡོད་པའི་ ཁ་ཉེས་བཀལཝ་མ་ཚད་ རྒྱ་གར་དེ་ དམིགས་བསལ་གྱིས་ ཚ་གྱང་ཡོད་པའི་ རྒྱལ་ཁབ་སྦེ་ གསལ་བསྒྲགས་འབད་དགོ་པའི་ རྒྱབ་སྣོན་ཡང་འཁོད་ནུག་ཟེར་ བཀོད་འདུག་པའི་གནས་ཚུལ།

Please follow and like us: