ཨ་ཡིཛ་ལེན་ལུ་ མེ་རི་ཐོན་མིའི་ ལྕགས་ཞུན་ཚུ་ ཁྲོམ་གྱི་ཉེན་སྲུང་ར་བ་ཚུན་ལྷོད་ཡོདཔ།

སི་ཨེན་ཨེན།
ན་ཧིང་ སྤྱི་ཟླ་ ༡༢ པའི་ནང་ལས་ འགོ་བཟུང་སྟེ་ ད་ཚུན་གྱི་བར་ན་ ཨ་ཡིཛ་ལེན་ལུ་ མེ་རི་ལན་ཐེངས་ ༥ ཐོན་ཡོདཔ་ད་ འཕྲལ་ཁམས་ཀྱི་ མེ་རི་དེ་ སྤྱི་ཟླ་ ༥ པའི་ཚེས་ ༢༩ ལུ་ ཐོན་ཡོདཔ་ཨིན་པས།
དེ་ཡང་ ས་ཡོམ་ཅིག་ རྐྱབ་པའི་ཤུལ་ལས་ འགོ་བཙུགས་ཡོདཔ་ད་ མེ་རི་དེ་གི་ ལྕགས་ཞུན་ཚུ་ གི་རིན་ཌ་བིག་ཟེར་མི་ ཁྲོམ་གྱི་ར་བ་ཚུན་ ལྷོད་ཡོདཔ་ལས་ མི་སེར་ཚུ་ གཞི་གནས་སྤོ་དགོཔ་ཐོན་ནུག།
ར་བ་དེ་ཡང་ ཧེ་མ་ མེ་རི་ལས་ཐོན་མི་ ལྕགས་ཞུན་བཀག་ཐབས་ལུ་ བཟོ་བསྐྲུན་འབད་ཡོདཔ་ད་ ལྕགས་ཞུན་དེ་ལུ་བརྟེན་ཏེ་ ཁྲོམ་དེ་ནང་ མི་སེར་ ༣,༠༠༠ དེ་ཅིག་ཡོད་མི་ཚུ་ གི་རིན་ཌ་བིག་ཁྲོམ་ཁ་ལས་ ས་གནས་གཞན་ཁར་ འགྲུལ་བསྐྱོད་འབད་མ་ཚུགསཔ་ ཐལ་ནི་གི་ ཉེན་ཁ་ཡོདཔ་ཨིན་པས།
ད་རེས་ སྡོད་གནས་མ་སྤོ་བར་ སྡོད་མི་ཚུ་ལུ་ སྤོ་འགྱོ་དགོ་པའི་ བཀོད་རྒྱ་བཏང་ཡོད་རུང་ མི་ ༣ དེ་ཅིག་གིས་ རྩ་ལས་ར་ སྡོད་གནས་སྤོ་མི་འགྱོ་ནི་སྦེ་ སླབ་དོ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: