རྒྱ་གར་རྒྱལ་ཁབ་ནང་ དྲོད་ཤུགས་ལུ་བརྟེན་ཏེ་ མི་གྲངས་ ༣༣ ལུ་ཤི་རྐྱེན།

རོའི་ཊརཛ།
སྤྱི་ཟླ་ ༥ པའི་ཚེས་ ༣༡ ལུ་ རྒྱ་གར་གྱི་མངའ་སྡེ་ བི་ཧར་དང་ ཨུ་ཏར་པར་དེཤ་ དེ་ལས་ ཨོ་དི་ཤ་ཚུ་གི་ནང་ དྲོད་ཤུགས་ལུ་བརྟེན་ཏེ་ བཙག་འཐུའི་སྒྲིག་གཡོག་རྐྱབ་མི་ཚུ་གིས་གཙོས་པའི་ མི་གྲངས་ ༣༣ དེ་ཅིག་ལུ་ ཤི་རྐྱེན་བྱུང་ནུག།
དེ་ཡང་ རྒྱ་གར་རྒྱལ་ཁབ་ནང་ དྲོགས་ཤུགས་མཐོ་ཚད་ ཌི་གི་རི་སེལ་ཤེཛ་ ༥༢.༩ དེ་ཅིག་ལུ་ ལྷོད་ཡོདཔ་བཞིན་དུ་ རྒྱལ་ཁབ་ཀྱི་ ཤར་ཁ་ཐུག་ལུ་ དྲོད་ཤུགས་དེ་ འཕྲོ་མཐུད་དེ་ར་ གནས་ནི་ཨིན་རུང་ དབུས་ཕྱོགས་ཀྱི་ ས་གནས་ཚུ་ནང་ མར་འབབ་ནི་བཟུམ་ཅིག་འདུག་ཟེར་ཨིན་པས།
དེ་མ་ཚད་ སྤྱི་ཟླ་ ༥ པའི་ཚེས་ ༣༠ ལུ་ཡང་ དྲོད་ཤུགས་ལུ་བརྟེན་ཏེ་ བི་ཧར་ལུ་ བཙག་འཐུའི་ལཱ་འབད་མི་ཚུ་གིས་གཙོས་པའི་ མི་གྲངས་ ༡༤ ལུ་ ཤི་རྐྱེན་བྱུང་ཡོདཔ་ད་ བཙག་འཐུའི་ལཱ་འབད་མི་ཚུ་ལུ་ ཤི་རྐྱེན་བྱུང་མི་དེ་ ཉིན་རེ་བཞིན་དུ་ ཉི་མའི་ནང་ ལོངམ་ལོང་སར་ སྡོད་དགོ་ནི་དེ་གིས་ཨིན་པས་ཟེར་བཀོད་ནུག།
དེ་བཟུམ་སྦེ་ རྒྱ་གར་གྱི་མངའ་སྡེ་ ཨུ་ཏར་པར་དེཤ་ལུ་ཡང་ སྲུང་སྐྱོབ་དམག་མི་གིས་གཙོས་པའི་ བཙག་འཐུའི་ལཱ་འབད་མི་ ༩ ལུ་ ཤི་རྐྱེན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: