རྒྱ་ནག་རྒྱལ་ཁབ་ནང་ གཟུགས་ཀྱི་ལྗིད་ཚད་ཕབ་ནི་གི་ སྨན་རྫས་ཚོང་སྒྱུར་རྒྱ་སྐྱེད།

ཨཱལ་ཇ་ཟི་ར།
རྒྱ་ནག་ལུ་ སྨན་རྫས་ཨོ་ཟེམ་པིག་ཟེར་མི་དེ་ སྤྱི་ལོ་ ༢༠༢༡ ལུ་ གུ་རམ་ནད་གཞིའི་སྨན་སྦེ་ གནང་བ་གྲུབ་ཡོད་རུང་ ད་རེས་འབདཝ་ད་ སྨན་རྫས་དེ་ནང་ གཟུགས་ཀྱི་ལྗིད་ཚད་ཕབ་ནི་གི་ རྫས་སྦྱོར་ཡོདཔ་ལས་ སྨན་རྫས་དེ་ དགོས་མཁོ་བཀོད་མི་ ཡར་སེང་སོང་ནུག།
དེ་ཡང་ རྒྱ་ནག་ལུ་ སྨན་རྫས་ཚོང་སྒྱུར་འཐབ་མི་ཚུ་གིས་ སྨན་རྫས་ཨོ་ཟེམ་པིག་གི་སྐོར་ལས་ མི་སྡེ་བརྡ་བརྒྱུད་ཚུ་གི་ཐོག་ལུ་ ཚོང་བསྒྲགས་འབད་དོ་ཡོདཔ་ཨིན་པས།
ཨཱཛ་ཊེ་ལི་ཡ་ལུ་ཡོད་མི་ རྒྱ་ནག་དང་ ཨེ་ཤི་ཡའི་ ཞིབ་འཇུག་གཙུག་ལག་སློབ་སྡེའི་ནང་ལས་ ལེགས་སྦྱར་བ་ པཱན་ཝང་གིས་ སྤྱིར་བཏང་ལུ་ གཟུགས་གཞི་ཕྱ་སི་སི་དེ་ རྒྱ་ནག་གི་ ཨམ་སྲུ་ཚུ་གི་ མོ་ལེགས་ཀྱི་ ཚད་གཞི་ཅིག་སྦེ་ བརྩི་སྲོལ་ཡོད་ལུགས་དང་ ཨམ་སྲུ་ལ་ལོ་ཅིག་གིས་ རང་གི་གཟུགས་ཁམས་ཀྱི་ གནས་སྟངས་ཚུ་ རྒྱབ་ཁར་བསྐྱུར་ཏེ་ གཟུགས་ཀྱི་ལྗིད་ཚད་ཕབ་ཐབས་ལུ་ བརྩོན་དོ་ཡོདཔ་སྦེ་བཤད་ནུག།
ད་རེས་ནངས་པར་ རྒྱ་ནག་ལུ་ རང་སོའི་གཟུགས་ཀྱི་ལྗིད་ཚད་ ཕབ་ནིའི་དོན་ལས་ ཐབས་ཤེས་སྣ་ཚོགས་ ལག་ལེན་འཐབ་མི་དེ་ཡང་ རྒྱ་ནག་གི་ མི་རློབས་བརྒྱ་ཆ་ ༥༠ དེ་ཅིག་ལུ་ ཚད་ལས་རྒལ་བའི་ ལྗིད་ཚད་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: