འཛམ་གླིང་སྤྱི་ཚོགས་ཀྱིས་ ཨིཛ་རེལ་རྒྱལ་ཁབ་དེ་ ཨ་ལོ་ཚུ་ དམར་བསད་འབད་མིའི་ ནག་ཐོར་བཀོད་ནི།

ཨེན་ཌི་ཊི་ཝི།
ཨིཛ་རེལ་གྱི་ དྲག་པོའི་དམག་སྡེ་གིས་ ཨ་ལོའི་ཉེན་སྲུང་ལུ་ འཐུས་ཤོར་བྱུང་ཡོདཔ་ལས་ འཛམ་གླིང་སྤྱི་ཚོགས་ཀྱིས་ ཨིཛ་རེལ་དེ་ ནག་ཐོར་བཀོད་ནི་སྦེ་ གྲོས་ཆོད་གྲུབ་ཡོདཔ་ལས་ སྤྱི་ཟླ་ ༦ པའི་ཚེས་ ༧ ལུ་ ཨིཛ་རེལ་གྱིས་ ཁོང་ཁྲོ་ལང་ཐོག་ལས་ ལན་གསལ་རྐྱབ་ནུག།
དེ་ཡང་ སྤྱི་ཟླ་ ༦ པའི་ཚེས་ ༡༨ ལུ་ འཛམ་གླིང་སྤྱི་ཚོགས་ཀྱི་ ཡོངས་ཁྱབ་དྲུང་ཆེན་ ཨེན་ཊོ་ནི་ཡོ་ གུ་ཊེ་རེཛ་གིས་ ཨ་ལོ་དང་ དམག་འཁྲུག་ཟེར་བའི་ ལོ་བསྟར་སྙན་ཞུ་དེ་ དཔེ་བསྐྲུན་འབད་ནི་སྦེ་ གྲ་སྒྲིད་ཡོདཔ་ཨིན་པས།
ཨིན་རུང་ འཛམ་གླིང་སྤྱི་ཚོགས་ནང་ ཨིཛ་རེལ་གྱི་གཞུང་ཚབ་ གི་ལཱད་ཨེར་ཌཱན་གྱིས་ ངོ་ཚ་མེད་པའི་ གྲོས་ཆོད་དེ་ལུ་བལྟ་སྟེ་ ཞེན་པ་ལོག་ཡོད་ལུགས བཤད་པའི་ཁར་ ཨིཛ་རེལ་གྱི་བློན་ཆེན་ བེན་ཇ་མིན་ དེ་ཏ་ནི་ཡ་ཧུ་གིས་ཡང་ མི་སྡེ་བརྡ་བརྒྱུད་ནང་ ཧ་མཱཛ་གི་ ཧམ་རྫུན་ཅན་གྱི་ བརྗོད་དོན་ཚུ་ལུ་ གཞི་བརྟེན་འབད་དེ་ དེ་བཟུམ་མའི་ གྲོས་ཆོད་བཏོན་མི་དེ་གིས་ འཛམ་གླིང་སྤྱི་ཚོགས་འདི་ འཛམ་གླིང་སྤྱི་ཚོགས་ཀྱི་ འབྱུང་རབས་ནང་ ནག་ཐོར་བཙུགསཔ་ཨིན་པས་ཟེར་བཀོད་ནུག།
དེ་མ་ཚད་ ཨིཛ་རེལ་གྱི་ སྲུང་སྐྱོབ་དམག་སྡེ་དེ་ འཛམ་གླིང་ནང་ ཀུན་སྤྱོད་རྣམ་གཞག་ལུ་ གནས་མི་ཅིག་ཨིནམ་ལས་ འཛམ་གླིང་སྤྱི་ཚོགས་ཀྱི་ ཡོངས་ཁྱབ་དྲུང་ཆེན་གྱིས་ གྲོས་ཆོད་ག་བཟུམ་བཏོན་རུང་ དྲང་བདེན་དེ་ བསྒྱུར་མི་ཚུགས་ཟེར་ཡང་ བཀོད་ཡོདཔ་ཨིན་པས།
འཛམ་གླིང་སྤྱི་ཚོགས་ནང་ པེ་ལིཛ་ཊིན་གྱི་ངོ་ཚབ་ རི་ཡཱད་མཱན་སུར་གྱིས་ ཨིཛ་རེལ་དེ་ སྤྱོད་ངན་གྱི་ཐོ་ནང་ བཀོད་དེ་འབད་རུང་ ཨ་ལོ་དམར་བསད་འབད་མི་ཚུ་ གསོན་པོ་ལུ་ བསྒྱུར་མི་ཚུགས་ནི་ཨིན་པའི་ཁར་ ཨིཛ་རེལ་གྱི་ དམག་མི་ཚུ་གིས་ དབང་པོ་མེདཔ་བཏང་མི་ ཨ་ལོ་ཚུ་གི་ གནས་སྟངས་ཡང་ བསྐྱར་གསོ་འབད་མི་ཚུགསནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: