ཡུ་ཨེཛ་གིས་ ར་ཤི་ཡའི་ རྒྱབ་འགལ་ལུ་ ཕྱི་དངུལ་སྤྲོད་ལེན་ཐོག་ལས་ ཚོང་འབྲེལ་བཀག་དམ།

རོའི་ཊརཛ།
ཡུ་ཨེཛ་གིས་ ར་ཤི་ཡའི་ རྒྱབ་འགལ་ལུ་ ཌོ་ལར་དང་ ཡུ་རོ་ལག་ལེན་ཐོག་ལས་ ཚོང་འབྲེལ་འཐབ་ནི་ བཀག་དམ་འབད་ཡོདཔ་ལས་ ར་ཤི་ཡའི་ དངུལ་ཁང་ལྟེ་བ་གིས་ ར་ཤི་ཡ་ལུ་ ཕྱི་དངུལ་ལག་ལེན་ དེ་འཕྲལ་ལས་ བཀག་དམ་འབད་དགོཔ་ཐོན་ནུག།
དེ་ཡང་ སྤྱི་ཟླ་ ༦ པའི་ཚེས་ ༡༢ ལུ་ ར་ཤི་ཡའི་ རྒྱལ་ཁབ་ནང་ མི་མང་ངལ་གསོའི་ཉིནམ་ཨིན་རུང་ ཕྱི་དངུལ་བརྗེ་སོར་ལས་སྡེ་དང་ དངུལ་ཁང་ལྟེ་བ་གིས་ གནད་དོན་དེ་གི་སྐོར་ལས་ གསལ་བསྒྲགས་ཚུ་ བཀྲམ་སྤེལ་འབད་ཡོདཔ་ད་ ཡུ་ཨེཛ་གི་ཁ་ཐུག་ལས་ དེ་བཟུམ་མའི་ བཀག་དམ་འབད་མི་དེ་ ར་ཤི་ཡ་གིས་ ཡུ་ཀེ་རེན་དང་གཅིག་ཁར་ ཕྱད་མདའ་ཡུན་བརྟན་མེདཔ་ བཟོ་ཐབས་ལུ་ཨིན་པས།
དེ་འབདཝ་ལས་ ད་ལས་ཕར་ ར་ཤི་ཡའི་ དངུལ་ཁང་དང་ ཚོང་སྡེ་ དེ་ལས་ མ་རྩ་གཞི་བཙུགས་འབད་མི་ཚུ་གིས་ ཌོ་ལར་དང་ ཡུ་རོའི་ནང་ ཚོང་འབྲེལ་འཐབ་མི་ཚུགས་ནི་ཨིནམ་ལས་ དངུལ་སྤྲོད་ལེན་ཚུ་ག་ར་ ཚོང་འབྲེལ་འཐབ་མི་ རྩ་ཕན་གཉིས་ཀྱི་བར་ན་ ཁོང་རའི་ཏི་རུ་ལག་ལེན་འཐབ་སྟེ་ ཚོང་སྟེགས་གུ་ལས་ སྤྲོད་ལེན་འབད་དགོཔ་ འཐོན་ནི་ཨིན་པས།
མ་གཞི་ ར་ཤི་ཡའི་ མི་སེར་ལེ་ཤ་ཅིག་གིས་ར་ ར་ཤི་ཡའི་ཏི་རུ་ རུ་བཱལ་གྱི་ གནས་གོང་མར་འབབ་འགྱོ་བའི་སྐབས་ལུ་ བརྗེ་སོར་གྱི་དོན་ལས་ ཌོ་ལར་དང་ ཡུ་རོ་ཚུ་ དངུལ་ཁང་ཚུ་ནང་ གསོག་འཇོག་འབད་དེ་ བཞག་ཡོདཔ་ལས་ དངུལ་ཁང་ལྟེ་བ་གིས་ དེ་སྦེ་ གསོག་འཇོག་ཐོག་ལུ་ཡོད་མི་ ཕྱི་དངུལ་ཚུ་ ཉེན་སྲུང་འབད་ནི་ཨིན་པའི་སྐོར་ལས་ཡང་ གསལ་བཤད་འབད་ནུག། .
ཨིན་རུང་ ད་རེས་ ར་ཤི་ཡ་དང་ རྒྱ་ནག་གི་བར་ན་ ཚོང་འབྲེལ་དམ་ཟབ་ སོང་ཡོདཔ་ལས་ ར་ཤི་ཡ་ལུ་ ཕྱི་དངུལ་སྤྲོད་ལེན་ འབོར་ཆེ་ཤོས་ར་ རྒྱ་ནག་གི་ཏི་རུ་ ཡུ་ཝཱན་ནང་ ལག་ལེན་འཐབ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: