ཀུ་ཝེཊ་གི་ སྒྲིང་ཁྱིམ་ཅིག་ལུ་ མེ་རྐྱེན་བྱུང་མིའི་ནང་ ཕྱི་ཁའི་ལས་མི་ ༤༩ ལུ་ཤི་རྐྱེན།

སི་ཨེན་ཨེན།
སྤྱི་ཟླ་ ༦ པའི་ཚེས་ ༡༢ ལུ་ ཀུ་ཝེཊ་རྒྱལ་ཁབ་ནང་ ཕྱི་ཁའི་ལས་མི་ཚུ་སྡོད་སའི་ སྒྲིང་ཁྱིམ་ཅིག་ལུ་ མེ་འབར་ཏེ་ མི་གྲངས་ ༤༩ ལུ་ ཤི་རྐྱེན་བྱུང་ནུག།
ཁྱིམ་ཐོག་ ༦ འབད་མི་ སྒྲིང་ཁྱིམ་དེ་ནང་ ཕྱི་ཁའི་ལས་མི་ ༡༥༠ དེ་ཅིག་ སྡོད་དོ་ཡོདཔ་ད་ མེ་རྐྱེན་དེ་ ག་དེ་སྦེ་ བྱུང་བྱུངམ་ཨིན་ནའི་སྐོར་ལས་ མ་ཤེས་རུང་ མེ་དེ་འོག་ཐོག་ལས་ འབར་བའི་ཤུལ་ལུ་ ཐབ་རླུང་རྒྱ་རྫི་དང་ མེ་བཤེད་འཇམ་པའི་ ཅ་ཆས་ཚུ་ཡོད་ནི་དེ་གིས་ དེ་འཕྲལ་ལས་ ཁྱབ་སྤེལ་ཡར་སོངཔ་ཨིན་པས།
མེ་རྐྱེན་དེ་ནང་ ཤི་རྐྱེན་བྱུང་མི་ཚུ་ག་ར་ དུ་པ་ལུ་བརྟེན་ཏེ་ དབུགས་གཏོང་ལེན་འབད་མ་ཚུགས་པར་ ཤི་སོངཔ་སྦེ་ ཁྲིམས་སྲུང་འགག་སྡེའི་ ཕུངམོ་བརྟག་དཔྱད་ལས་ཁུངས་ཀྱིས་ གསལ་བཤད་འབད་ནུག།
དེ་སྦེ་ ཤི་རྐྱེན་བྱུང་མིའི་གྲས་ཁར་ རྒྱ་གར་གྱི་ མི་ཁུངས་ཚུ་ཡང་ཡོདཔ་ལས་ བློན་ཆེན་ན་རེན་ད་ར་ མོ་དི་གིས་ མེ་རྐྱེན་དེ་ ཡིད་སྐྱོ་བའི་ གཞི་ཅིག་ཨིན་པས་ཟེར་ གསུངས་ཡོདཔ་ཨིན་པས།
རྒྱ་གར་གྱི་ ཕྱི་འབྲེལ་བློན་པོ་དེ་ ཤི་རྐྱེན་བྱུང་མི་ རྒྱ་གར་གྱི་ མི་ཁུངས་ཚུ་གི་ ཕུངམོ་ལེན་ནི་དང་ རྒུད་གསོ་ཚུ་ བལྟ་རྟོག་འབད་ནིའི་དོན་ལས་ ཀུ་ཝེཊ་ལུ་ བྱོན་ཡོདཔ་སྦེ་ བཀོད་འདུག་པའི་གནས་ཚུལ།

Please follow and like us: