ཧཱོན་ཌུ་རཱཛ་གི་ སྲིད་འཛིན་བགྲེསཔ་ལུ་ སྨྱོ་རྫས་དང་འབྲེལ་བའི་ མི་ལོ་ ༤༥ གི་བཙོན་ཁྲིམས།

བི་བི་སི།
སྤྱི་ཟླ་ ༦ པའི་ཚེས་ ༢༦ ལུ་ ཧཱོན་ཌུ་རཱཛ་ རྒྱལ་ཁབ་ཀྱི་ སྲིད་འཛིན་བགྲེསཔ་ ཇུ་ཝཱན་ཨོར་ལེན་ཌོ་ ཧར་ནེན་ཌེཛ་ལུ་ ཡུ་ཨེཛ་གི་ ཁྲིམས་ཁང་ཅིག་གིས་ སྨྱོ་རྫས་དང་འབྲེལ་བའི་ ཉེས་འཛུགས་ཐོག་ལུ་ ལོ་ངོ་ ༤༥ གི་ བཙོན་ཁྲིམས་བཀལ་ནུག།
དེ་ཡང་ ཧར་ནེན་ཌེཛ་གིས་ ཡུ་ཨེཛ་ལུ་ ཀེ་ཧང་ནང་འདྲེན་དང་ ཀྲོབ་མདའ་ཚུ་གིས་གཙོས་པའི་ ཉེན་འཚུབ་ཅན་གྱི་ གོ་མཚོན་ཚུ་ བདག་བཟུང་འབད་ཡོད་པའི་ ཉེས་འཛུགས་འཁྲི་ཡོདཔ་ད་ ནིའུ་ཡོག་གི་ ཁྲིམས་རྩོདཔ་ཚུ་གིས་འབད་བ་ཅིན་ ཁོ་གིས་ དབུས་ཨ་མེ་རི་ཀ་དེ་ སྨྱོ་རྫས་ཀྱི་ རྒྱལ་ཁམས་བཟུམ་ཅིག་སྦེ་ ལག་ལེན་འཐབ་ཡོདཔ་མ་ཚད་ སྨྱོ་རྫས་ནག་ཚོང་རྐྱབ་མི་ཚུ་ ཁྲིམས་ལས་ཟུར་ཐབས་ལུ་ ཌོ་ལར་ས་ཡ་ས་ཡ་སྦེ་ ནང་གསུག་ལེན་ནུག་ཟེར་ཨིན་པས།
སྐྱེས་ལོ་ ༥༥ འབད་མི་ སྲིད་འཛིན་བགྲེསཔ་ ཧར་ནེ་ཌེཛ་དེ་ གནས་སྐབས་གཅིག་ བུ་རུག་ལིན་ བཙོན་ཁང་ནང་ བཞག་ཡོདཔ་ད་ ཁོ་ལུ་ཉེས་ཆད་ཡང་ ཌོ་ལར་ས་ཡ་ ༨ བཀལ་ནུག་ཟེར་ བཀོད་འདུག་པའི་གནས་ཚུལ།

Please follow and like us: