མེག་སི་ཀོའི་ རྒྱལ་ཁབ་ནང་ རླུང་འཚུབ་བེ་རིལ་ཟེར་མི་གིས་གནོད་སྐྱོན།

ཨཱལ་ཇ་ཟི་ར།
སྤྱི་ཟླ་ ༧ པའི་ཚེས་ ༥ ལུ་ མེག་སི་ཀོའི་ ཤར་ཕྱོགས་མཚོ་འགྲམ་བདའ་སྟེ་་ རླུང་འཚུབ་བེ་རིལ་ཟེར་མི་ འཕུ་ཡོདཔ་ལས་ ས་གནས་ལེ་ཤ་ཅིག་གི་ནང་ གློག་མེའི་བརྒྱུད་ལམ་ཚུ་ མེདཔ་བཏང་ནུག།
དེ་ཡང་ བལྟ་བཤལ་པ་ཚུ་གི་དོན་ལས་ ཉམས་དགའ་བའི་ས་ཆ་ ཡུ་ཀ་ཏཱན་གླིང་ཕྲན་ནང་ རླུང་འཚུབ་ཀྱིས་ མི་གྲངས་ ༡༡ ལུ་ ཤི་རྐྱེན་བྱུང་ཡོདཔ་མ་ཚད་ ཇ་མའི་ཀ་དང་ གེར་ན་ཌ་ སེན་ཝིན་སེན་ དེ་ལས་ བྱང་ཝེ་ནེ་ཟུའི་ལ་ཚུན་ལུ་ ཁྱབ་ཡོདཔ་ཨིན་པས།
གནམ་གཤིས་ཚན་རིག་མཁས་མཆོག་ཚུ་གིས་ རྒྱལ་སྤྱིའི་ནང་ ཚ་དྲོད་ཀྱི་ཚད་གཞི་ འཕྲོ་མཐུད་དེ་ར་ ཡར་སེང་འགྱོ་དོ་ཡོདཔ་ལས་ དེ་བཟུམ་མའི་ རླུང་འཚུབ་ཚུ་ དུས་ཡུན་རིངམོ་སྦེ་ར་ འཕུ་ནི་གི་ཉེན་ཁ་ཡོད་པའི་སྐོར་ལས་ གསལ་བཤད་འབད་ནུག།
རླུང་འཚུབ་ཀྱི་ ཤུགས་ཚད་དེ་ཡང་ ཧེ་མ་དང་ཕྱདཔ་ད་ དེ་ཚེ་ ཆུ་ཚོད་རེ་ལུ་ ཀི་ལོ་མི་ཊར་ ༡༦༠ ལུ་ བབས་ཡོད་རུང་ མེག་སི་ཀོ་ ཞི་བའི་སྲུང་སྐྱོབ་ལས་སྡེ་གིས་ མི་སེར་ཚུ་ རང་སོའི་ཁྱིམ་ནང་ར་ སྡོད་དགོཔ་སྦེ་ སླབ་ནུག་ཟེར་ བཀོད་འདུག་པའི་གནས་ཚུལ།

Please follow and like us: