ཧང་ག་རིའི་ བློན་ཆེན་དང་ ར་ཤི་ཡའི་ སྲིད་འཛིན་ ༢ ཀྱི་བར་ན་ མོཛ་ཀཱོ་ལུ་མཇལ་ཕྲད།

བི་བི་སི།
སྤྱི་ཟླ་ ༧ པའི་ཚེས་ ༥ ལུ་ ཧང་ག་རིའི་བློན་ ཝིག་ཊོར་ཨོར་བཱན་དེ་ ར་ཤི་ཡའི་རྒྱལ་ས་ མོཛ་ཀོ་ལུ་ གཟིགས་སྐོར་གནང་པར་ བྱོན་ཡོདཔ་བཞིན་དུ་ ར་ཤི་ཡའི་སྲིད་འཛིན་ ཝཱལ་ཌི་མིར་ པུ་ཊིན་དང་ མཇལ་ཕྲད་མཛད་ཡོདཔ་ཨིན་པས།
ཧང་ག་རིའི་ བློན་ཆེན་དང་ ར་ཤི་ཡའི་ སྲིད་འཛིན་གྱི་བར་ན་ མཇལ་ཕྲད་མ་མཛད་པའི་ ཉིན་གྲངས་ ༣ གྱི་ཧེ་མར་ ཧང་ག་རིའི་ བློན་ཆེན་གྱིས་ ཡུ་ཀེ་རེན་གྱི་རྒྱལ་ས་ ཀི་ཡེབ་ལུ་ གཟིགས་སྐོར་གནང་སྟེ་ ཡུ་ཀེ་རེན་གྱི་སྲིད་འཛིན་ ཟེ་ལེནཛ་ཀི་དང་ཡང་ མཇལ་ཕྲད་མཛད་ནུག།
ད་རེས་ ཧང་ག་རིའི་ རྒྱལ་ཁབ་དེ་ ཡུ་རོབ་རྒྱལ་ཁབ་ཚོགས་པའི་ ལྷན་ཚོགས་ཀྱི་ གཙོ་འཛིན་ཨིནམ་ད་ བློན་ཆེན་ཨོར་བཱན་དེ་ ཡུ་རོབ་རྒྱལ་ཁབ་ཚོགས་པའི་ འཐུས་མི་རྒྱལ་ཁབ་ཁག་གི་ དབུ་ཁྲིད་ཚུ་གི་གྲས་ལས་ ར་ཤི་དང་ མཐུན་ལམ་བཞག་མི་དེ་ ཧང་ག་རི་རྐྱངམ་གཅིག་ཨིན་པས།
ཧང་ག་རིའི་ བློན་ཆེན་དང་ ར་ཤི་ཡའི་ སྲིད་འཛིན་གྱི་བར་ན་ གསུང་གྲོས་གནང་པའི་ཤུལ་ལས་ ཧང་ག་རིའི་ བློན་ཆེན་གྱིས་འབད་བ་ཅིན་ ར་ཤི་ཡ་དང་ ཡུ་ཀེ་རེན་གྱི་བར་ན་ འཆར་སྣང་ཚུ་ རྩ་ལས་ར་ མི་འདྲ་བས་ཟེར་ཨིན་རུང་ ཡུ་རོབ་ཀྱི་ འགོ་ཁྲིདཔ་ཚུ་གིས་ ཧང་ག་རིའི་བློན་ཆེན་ ར་ཤི་ཡར་ བྱོན་མི་དེ་ལུ་ ཁ་བཏངམ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: