སྐྱབས་རྗེ་རིན་པོ་ཆེ་མཆོག་གིས་ གནམ་ལོ་ལྕགས་ཁྱི་ལོའི་ དམག་དཔུང་བཟློག་ཐབས་ལུ་ སིདྡྷིའི་བསྙེན་པ་ གང་མང་བསགས་དགོ་པའི་བཀའ་རྒྱ།

གནམ་ལོ་ཤིང་འབྲུག་ཟླཝ་ ༥ པའི་ཚེས་ ༢༥ སྤྱི་ཟླ་ ༧ པའི་ཚེས་ ༡ ལུ་ རྗེ་མཁན་ཁྲི་རབས་ ༧༠ པ་ སྐྱབས་རྗེ་རིན་པོ་ཆེ་ སྤྲུལ་སྐུ་འཇིགས་མེད་ཆོས་གྲགས་མཆོག་གིས་ གནམ་ལོ་ལྕགས་ཁྱི་ཤརཝ་ད་ འཛམ་གླིང་ནང་ དམག་ཆེན་གྱི་ འཇིགས་པ་ཚུ་ ཞི་ཐབས་ལུ་དམིགས་ཏེ་ སིདྡྷིའི་བསྙེན་པ་ གང་མང་བསགས་དགོ་པའི་ བཀའ་ཤོག་གནང་ནུག།
དེ་ཡང་ རིག་འཛིན་ནུས་ལྡན་རྡོ་རྗེའི་ལུང་ལས། ལྕགས་ཁྱིའི་བར་ཆད་ཤིང་འབྲུག་ལོ་ལ་བཟློག །དགྲ་ཤེད་ཡིན་པས་བཟློག་པར་ཐེ་ཚོམ་མེད། །ཟེརཝ་ལ་སོགས་པ་ གསུངས་ཡོད་པའི་ དགོངས་དོན་དང་འཁྲིལ་ཏེ་ཨིན་པས།
དེ་འབདཝ་ལས་ རང་ལྗོངས་ཆོས་སྡེ་སྤྱི་དང་ ཁྱད་པར་དུ་ དགེ་འདུན་གྱི་སྡེ་རྣམས་ དབྱར་གནས་སྐབས་ལུ་ སྐུ་རིམ་ཞལ་འདོན་གཙོ་བོ་ སིདྡྷིའི་བསྙེན་པ་ གང་མང་བསགས་དགོ་པའི་ བཀའ་བསྐུལ་གནང་ཡོད་པའི་གནས་ཚུལ།

Please follow and like us: