མི་དབང་མངའ་ཞབས་མཆོག་ མོང་གོ་ལི་ཡ་ལུ་ གཞུང་དོན་གཟིགས་སྐོར།

སྤྱི་ཟླ་ ༧ པའི་ཚེས་ ༨ ལུ་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་ མོང་གོ་ལི་ཡའི་ རྒྱལ་ཁབ་ནང་ གཞུང་དོན་གཟིགས་སྐོར་ལུ་ ཆིབས་བསྐྱོད་གནང་ནི་ཨིན་པས།
དེ་ཡང་ མོང་གོ་ལི་ཡའི་སྲིད་འཛིན་ ཁུ་རེལ་སུག་ཨུག་ནཱ་གིས་ གདན་འདྲེན་ཞུཝ་བཞིན་དུ་ ཨུ་ལཱན་བཱ་ཏར་ལུ་ མོང་གོ་ལི་ཡའི་ རྒྱལ་ཡོངས་ནཱ་དམ་དུས་སྟོན་གྱི་ འགོ་འབྱེད་རྟེན་འབྲེལ་ནང་ སྐུ་མགྲོན་གཙོ་བོ་སྦེ་ དབུ་བཞུགས་མཛད་གནང་ནི་ཨིན་པས།
ད་རེས་ འབྲུག་རྒྱལ་ཁབ་ནང་ལས་ མོང་གོ་ལི་ཡ་ལུ་ དབུ་ཁྲིད་མཆོག་གིས་ གཟིགས་སྐོར་གནང་མི་དེ་ འགོ་དང་པ་ཨིནམ་ད་ དེ་བཟུམ་མའི་ གཟིགས་སྐོར་ལུ་བརྟེན་ཏེ་ འབྲུག་དང་ མོང་གོ་ལི་ཡའི་བར་ན་ འབྱུང་རབས་ཅན་གྱི་ མཐུན་ལམ་ནང་ གལ་གནད་ཆེ་བའི་ གནད་དོན་ཚུ་གི་ བརྡ་མཚོན་སྟོན་ནི་ཨིན་པས།
མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་གིས་ མོང་གོ་ལི་ཡ་ལུ་ སྤྱི་ཟླ་ ༧ པའི་ཚེས་ ༨ ལས་ ༡༥ ཚུན་ གཟིགས་སྐོར་གནང་ནི་ཨིན་པའི་ གནས་ཚུལ་མདོར་བསྡུས།

Please follow and like us: