ལྷོ་ཀོ་རི་ཡ་གིས་ བྱང་ཀོ་རི་ཡའི་ མཁའ་དམག་གནམ་གྲུ་ཆུང་བ་ ཌྲཱོན་ཚུ་གུ་ འོད་རླབས་གོ་མཚོན་ལག་ལེན།

རོའི་ཊརཛ།
སྤྱི་ཟླ་ ༧ པའི་ཚེས་ ༡༡ ལུ་ ལྷོ་ཀོ་རི་ཡའི་ དྲག་དམག་གོ་མཚོན་མཁོ་སྒྲུབ་ལས་སྡེ་གིས་ བྱང་ཀོ་རི་ཡའི་ མཁའ་དམག་གནམ་གྲུ་ཆུང་བ་ཌྲཱོན་ཚུ་ ཕབ་གཏང་ནིའི་དོན་ལས་ འོད་རླབས་གོ་མཚོན་ཚུ་ ལག་ལེན་འཐབ་ནི་ཨིནམ་སྦེ་ བཤད་ཡོདཔ་ཨིན་པས།
དེ་ཡང་ འཛམ་གླིང་ནང་ དེ་བཟུམ་མའི་ གོ་མཚོན་ལག་ལེན་འཐབ་མི་དེ་ འགོ་དང་པ་ འོང་ནི་ཨིནམ་ད་ ལྷོ་ཀོ་རི་ཡ་གིས་ འོད་རླབས་གོ་མཚོན་གྱི་ ལས་རིམ་དེ་ལུ་ མཁའ་དམག་སི་ཊར་ཝར་ཟེར་ སླབ་ཨིན་པས།
དེ་བཟུམ་མའི་ འོད་རླབས་ཀྱི་ གོ་མཚོད་ཚུ་ཡང་ ཨཱན་ཝ་མཁའ་དམག་ལས་སྡེ་གིས་ གོང་འཕེལ་བཏངཡོདཔ་ད་ འོད་རླབས་གོ་མཚོན་གྱི་ ལྡེའུ་རེ་ལུ་ ཌོ་ལར་ ༡.༤༥ རེ་ གནས་མི་དེ་ ཁེ་ཤོས་ཅིག་ཨིན་པས།
དེ་ལས་ འོད་རླབས་ཀྱི་ གོ་མཚོན་ཚུ་ལུ་ སྐད་མེདཔ་མ་ཚད་ མིག་གིས་ཡང་ མི་མཐོང་དོ་ཡོདཔ་ད་ འོད་རླབས་གོ་མཚོན་དེ་གིས་ ཌྲཱོན་ཚུ་གི་ འཕྲུལ་ཆས་ཨམ་དང་ ཡང་ཅིན་ ཌྲཱོན་ཚུ་ནང་ཡོད་མི་ གློག་ཐོག་ལཱ་ཆས་ཚུ་ སྐར་ཆ་ ༡༠ ལས་ ༢༠ གི་བར་ན་ འཚིགས་གཏངམ་ཨིན་པས།
ན་ཧིང་ སྤྱི་ཟླ་ ༡༢ པའི་ནང་ བྱང་ཀོ་རི་ཡའི་ ཌྲཱོན་ ༤ ལྷོ་ཀོ་རི་ཡའི་ ས་ཁོངས་ནང་ བཏང་ཡོདཔ་ད་ ཌཱོན་དེ་ཚུ་ ཕབ་བཏང་ནིའི་དོན་ལུ་ ལྷོ་ཀོ་རི་ཡ་གིས་ མཁའ་དམག་གནམ་གྲུ་ཚུ་ གང་མགྱོགས་སྦེ་ ལག་ལེན་འཐབ་དགོཔ་བྱུང་ནུག།
མ་གཞི་ སྤྱི་ལོ་ ༡༩༥༠ ལས་ ༡༩༥༣ གི་བར་ན་ ཀོ་རི་ཡའི་ ཕྱད་མདའ་མཇུག་བསྡུ་བའི་ཤུལ་ལུ་ རྒྱལ་ཁབ་ ༢ ཀྱི་ ས་མཚམས་ཚུ་ནང་ དྲག་པོའི་ལཱ་འབད་ནི་མེད་པའི་ ས་ཁོངས་སྦེ་ གན་ཡིག་ཅིག་ བཟོ་སྟེ་ཡོད་རུང་ རྒྱལ་ཁབ་གཉིས་ཆ་གིས་ར་ ཆ་གནས་མ་བཞག་པས་ཟེར་ བཀོད་འདུག་པའི་གནས་ཚུལ།

Please follow and like us: