པི་རུ་ལུ་ སྐྱེལ་འདྲེན་བཱཛ་ཅིག་ རྦོབ་རིལ་ཡར་སོངཔ་ལས་ འགྲུལ་པ་ཚུ་ལུ་ཤི་རྐྱེན།

སི་ཨེན་ཨེན།
སྤྱི་ཟླ་ ༧ པའི་ཚེས་ ༡༦ ལུ་ པི་རུའི་རྒྱལ་ས་ ལུ་ན་ལས་ ལྷོ་ཕྱོགས་ཁྲོམ་སྡེ་ ཨ་ཡ་ཞུ་ཅོ་ཟེར་སར་ འགྲུལ་བསྐྱོད་འབད་མི་ སྣུམ་འཁོར་བཱཛ་ཅིག་ བྱག་གུ་ལས་མར་ ཕིཊ་ ༦༥༠ དེ་ཅིག་གི་ས་ཁར་ རྦོབ་རིལ་ཡར་སོངཔ་ལས་ མི་གྲངས་ ༢༩ དེ་ཅིག་ལུ་ ཤི་རྐྱེན་བྱུང་ནུག།
དེ་ཡང་ པི་རུའི་ནང་སྲིད་ལྷན་ཁག་ལས་འབད་བ་ཅིན་ སྲོག་སྐྱབས་ཀྱི་ ལཱ་ཚུ་འབད་དོ་ཟེར་ཨིནམ་ད་ རྐྱེན་ངན་དེ་ནང་ མི་གྲངས་ ༡༣ ལུ་ཡང་ རྨ་སྐྱོན་ཚུ་ བྱུང་ཡོདཔ་ཨིན་པས།
ཨིན་རུང་ རྐྱེན་ངན་དེ་ ག་ཅི་ལུ་བརྟེན་ཏེ་ བྱུང་ཡོདཔ་ཨིན་ན་ མ་ཤེས་པར་ཡོདཔ་ད་ དེ་སྦེ་ ཐུག་རྐྱེན་བྱུང་མི་དེ་ པི་རུའི་འཁོར་ལམ་ཚུ་ གངས་བདའ་སྟེ་འབདཝ་ལས་ འདས་པའི་ལོ་དག་པ་ཅིག་གི་ནང་ར་ དེ་བཟུམ་མའི་ རྐྱེན་ངན་ཚུ་བྱུང་ནུག།
མདང་ཞག་ སྤྱི་ཟླ་ ༤ པའི་ནང་ཡང་ ཐུག་རྐྱེན་ཅིག་བྱུང་སྟེ་ མི་གྲངས་ ༢༠ ལུ་ ཤི་རྐྱེན་དང་ ༡༤ ལུ་ རྨ་སྐྱོན་བྱུང་ཡོདཔ་ད་ དེ་བཟུམ་སྦེ་ སྤྱི་ལོ་ ༢༠༢༢ ལུ་ཡང་ པི་རུའི་བྱང་ཕྱོགས་ལུ་ སྐྱེལ་འདྲེན་བཱཛ་ཅིག་ བྱག་གུ་ལས་མར་ རྦོབ་རིལ་སོང་སྟེ་ འགྲུལ་པ་ ༢༠ ལུ་ ཤི་རྐྱེན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: