ཡུ་ཨེཛ་ལུ་ ཌོ་ནཱལ་ཊམ་གྱིས་ རྒྱལ་ཁབ་གཅིག་སྒྲིལ་ལུ་ གཙོ་བོར་བཟུང་ནི།

ཨེ་བི་སི།
དེ་ཚེ་ སྤྱི་ཟླ་ ༧ པའི་ཚེས་ ༡༣ ལུ་ ཡུ་ཨེཛ་གི་ སྲིད་འཛིན་བགྲེསཔ་ ཌོ་ནཱལ་ཊམ་དེ་ མི་ངན་ཅིག་གིས་ བཀྲོང་ནི་སྦེ་ དཔའ་བཅམས་པའི་ཤུལ་ལུ་ རེ་པབ་ལི་ཀཱན་ སྲིད་ཚོགས་ནང་ལས་ སྲིད་འཛིན་གྱི་ འདེམས་ངོ་སྦེ་ ངོས་ལེན་གྲུབ་ནུག།
ཌོ་ནཱལ་ཊམ་གྱི་ ཧེ་མའི་བསྐུལ་བསྒྲགས་འགོ་དཔོན་ བར་ཡཱན་ལཱན་ཟ་གིས་འབད་བ་ཅིན་ རང་སྲོག་བྱང་ནི་གུ་ ཐུག་པའི་བསྒང་ལས་ མི་ལུ་འགྱུར་བ་འཐོན་དོ་བཟུམ་སྦེ་ ཌོ་ནཱལ་ཊམ་ལུ་ཡང་ ད་རེས་ འགྱུར་བ་ཡོདཔ་སྦེ་ མཐོང་མས་ཟེར་ཨིན་པས།
དེ་ཡང་ ད་རེས་ ཁོ་གིས་ དབྱེ་བ་ཕྱེ་ནི་མིན་པར་ རྒྱལ་ཁབ་ཀྱི་ གཅིག་སྒྲིལ་དེ་ གལ་ཆེཝ་སྦེ་ བརྩི་འཇོག་འབདཝ་ལས་ གནས་རིམ་དེ་ ཁོ་ར་དང་ སྲིད་ཚོགས་ཀྱི་དོན་ལུ་མིན་པར་ རྒྱལ་ཁབ་ཀྱི་དོན་ལུ་ཨིནམ་སྦེ་བཤད་ནུག།
ཌོ་ནཱལ་ཊམ་གྱིས་ ད་ཚུན་ ཟླཝ་ལེ་ཤ་ཅིག་གི་རིང་ལུ་ ཉེ་རིང་ཕྱེ་བའི་ བསྐུལ་བསྒྲགས་ཚུ་འབད་ཡོད་རུང་ ད་རེས་ ཁོ་གི་སྲོག་ལུ་ བར་ཆད་རྐྱབ་ནི་འབད་བའི་ཉིན་མ་ལས་ ཁོ་གི་མནོ་ཐངས་ལུ་ འགྱུར་བ་ཐོན་ཏེ་ ད་ལས་ཕར་ རྒྱལ་ཁབ་གཅིག་སྒྲིལ་གྱི་དོན་ལུ་ ལཱ་འབད་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: