མཐོ་རིམ་ཤེས་ཡོན་ མཐར་འཁྱོལ་མི་ཚུ་གི་ སྔོན་འགྲོའི་ཆོས་རྒྱུགས།

སྤྱི་ཟླ་ ༨ པའི་ཚེས་ ༣ ལུ་ མཐོ་རིམ་ཤེས་ཡོན་ མཐར་འཁྱོལ་མི་ ༤,༠༠༠ ལྷགཔ་ཅིག་གིས་ རྒྱལ་གཞུང་ཞི་གཡོག་ལྷན་ཚོགས་ཀྱི་ སྔོན་འགྲོའི་ཆོས་རྒྱུགས་ཕུལ་ཡོདཔ་ད་ དེ་ཡང་ ཐིམ་ཕུ་ལུ་ ལྟེ་བ་ ༩ དང་ མོང་སྒར་ལུ་ ལྟེ་བ་ ༡ འབདཝ་ད་ ལྟེ་བ་ ༡༠ གྱི་ནང་སྦེ་ ཕུལ་ཡོདཔ་ཨིན་པས།
ཆོས་རྒྱུགས་དེ་གི་ གྲུབ་འབྲས་དེ་ སྤྱི་ཟླ་ ༨ པའི་ཚེས་ ༢༡ ལུ་ གསལ་བསྒྲགས་འབད་ནི་ཨིནམ་ད་ མ་གཞི་ སྔོན་འགྲོའི་ཆོས་རྒྱུགས་དེ་གི་དོན་ལུ་ མཐོ་རིམ་ཤེས་ཡོན་ མཐར་འཁྱོལ་མི་ ༤,༨༠༠ ལྷགཔ་ཅིག་གིས་ ཐོ་བཀོད་འབད་ནུག།
དུས་ཅི་ ཞི་གཡོག་ནང་ ས་སྟོང་ ༡,༣༠༠ ཡོད་མི་དེ་ ས་སྟོང་ ༣༠༠ ལྷགཔ་ཅིག་ ཡར་སེང་སོང་ཡོདཔ་ད་ འཕྲུལ་རིག་དབྱེ་ཁག་དང་འབད་བ་ཅིན་ སྔོན་འགྲོའི་ཆོས་རྒྱུགས་ནང་ལས་ མཐར་འཁྱོལ་མི་དང་འཁྲིལ་ཏེ་ འགྱུར་བཅོས་འགྱོ་འོང་ཟེར་ རྒྱལ་གཞུང་ཞི་གཡོག་ལྷན་ཚོགས་ལས་ བཤདཔ་ཨིན་པའི་གནས་ཚུལ།

Please follow and like us: