ཡུ་ཀེ་རེན་གྱིས་ ར་ཤི་ཡ་ལུ་ ཕྱད་མདའི་གནམ་གྲུ་ཆུང་བ་ ཌྲཱོན་གྱི་ཐོག་ལས་གནོད་འཚུབ།

རོའི་ཊརཛ།
སྤྱི་ལོ་ ༢༠༢༢ སྤྱི་ཟླ་ ༢ པའི་ནང་ལས ར་ཤི་ཡ་དང་ ཡུ་ཀེ་རེན་གྱི་བར་ན་ ཕྱད་མདའ་རྐྱབ་ནི་ འགོ་བཙུགས་ཞིནམ་ལས་ཚུར་ ཡུ་ཀེ་རེན་གྱིས་ ཕྱད་མདའི་གནམ་གྲུ་ཆུང་བ་ཌྲཱོན་ཚུ་ ལག་ལེན་འཐབ་ཐོག་ལས་ གནོད་འཚུབ་སྦོམ་ཤོས་ར་ སྤྱི་ཟླ་ ༨ པའི་ཚེས་ ༢༡ ལུ་ ཌྲཱོན་ ༡༡ འཕངས་ཏེ་ ར་ཤི་ཡའི་རྒྱལ་ས་ མོཛ་ཀོ་ལུ་ བཀལ་མི་དེ་ཨིན་པས།
མ་གཞི་ ཡུ་ཀེ་རེན་དང་ ར་ཤི་ཡའི་བར་ན་ ད་ཚུན་གྱི་རིང་ལུ་ ས་ཐོག་དང་ མཁའ་ཐོག་གི་ཌྲཱོན་ཚུ་ ལག་ལེན་འཐབ་ཐོག་ལས་ ཡུ་ཀེ་རེན་གྱི་ ཤར་ཕྱོགས་ནགས་ཚལ་དང་ གྲོང་གསེབ་ཚུ་ནང་ ཕྱད་མདའ་རྐྱབ་སྟེ་ སྡོད་པའི་བར་ན་ སྤྱི་ཟླ་ ༨ པའི་ཚེས་ ༦ ལུ་ ཡུ་ཀེ་རེན་གྱི་ དམག་མི་སྟོང་ཕྲག་ལས་བཅད་དེ་ ར་ཤི་ཡའི་ ལུང་ཕྱོགས་ཀཱརཛ་ཟེར་སར་ བཙན་འཛུལ་འབད་ནུག།
དེ་་མ་ཚད་ འདས་པའི་ཟླཝ་ཚུ་ནང་ ཡུ་ཀེ་རེན་གྱི་ ཁ་ཐུག་ལས་ ར་ཤི་ཡའི་ ས་སྣུམ་གཏེར་ཁ་དང་ གནམ་གྲུའི་ཐང་ཚུ་ཡང་ མེདཔ་བཏང་ཐབས་ལུ་ བརྩོན་ཤུགས་བསྐྱེད་མི་དེ་ཡང་ ར་ཤི་ཡ་དེ་ འཛམ་གླིང་ནང་ ས་སྣུམ་མང་ཤོས་བཏོན་མི་ རྒྱལ་ཁབ་ཅིག་འབད་ནི་དེ་གིས་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: