རྒྱ་གར་གཞུང་གིས་ དཔལ་འབྱོར་ལྷན་ཐབས་ཀྱི་དོན་ལུ་ དངུལ་ཀྲམ་ཐེར་འབུམ་ ༢.༥ འཛིན་གྲོལ།

སྤྱི་ཟླ་ ༩ པའི་ཚེས་ ༦ ལུ་ འབྲུག་བཞུགས་རྒྱ་གར་གཞུང་ཚབ་ སུ་དྷ་ཀར་ ད་ལེ་ལ་གིས་ ཕྱི་འབྲེལ་དང་ ཕྱིར་ཚོང་བློན་པོ་ ཌི་ཨེན་དུང་གེལ་ལུ་ དཔལ་འབྱོར་ལྷན་ཐབས་མ་དངུལ་གྱི་དོན་ལས་ འཛིན་གྲོལ་གཉིས་པར་ དངུལ་ཀྲམ་ཐེར་འབུམ་ ༢.༥ གི་ དངུལ་འཛིན་ཅིག་ རྩིས་སྤྲོད་འབད་ནུག།

དེ་བསྒང་ བློན་པོ་དུང་གེལ་གྱིས་ འབྲུག་གཞུང་གི་ ཁ་ཐུག་ལས་ རྒྱ་གར་གཞུང་ཚབ་དང་ རྒྱ་གར་གཞུང་ལུ་ མ་དངུལ་ཅེག་ འཛིན་གྲོལ་གནང་མི་ལུ་ དགའ་ཚོར་ཡོད་ལུགས་ཚུ་ གསུངས་ཡོདཔ་ཨིན་པས།

དཔལ་འབྱོར་ལྷན་ཐབས་དེ་ཡང་ ནད་ཡམས་ལུ་བརྟེན་ཏེ་ དཔལ་འབྱོར་གྱི་ དོ་འགྲན་ཚུ་ལུ་ གདོང་ལན་འབད་ནི་དང་ གཙོ་རིམ་ཅན་གྱི་ལས་སྡེ་ཚུ་ བསྐྱར་གསོ་ནི་ལུ་དམིགས་ཏེ་ སྤྱི་ལོ་ ༢༠༢༤ སྤྱི་ཟླ་ ༥ པའི་ཚེས་ ༡༨ ལུ་ འགོ་བཙུགས་གནང་མི་ དངུལ་ཀྲམ་ཐེར་འབུམ་ ༡༥ གི་ ལས་རིམ་ཅིག་ཨིནམ་ད་ ལས་རིམ་དེ་ལུ་ རྒྱ་གར་གཞུང་གིས་ རྒྱབ་སྐྱོར་མཛདཔ་ཨིན་པའི་གནས་ཚུལ།