ལེ་བ་ནོན་ རྒྱལ་ཁབ་ནང་ བརྡ་འཕྲིན་ཐབས་འཕྲུལ་གས་པའི་ རྐྱེན་ངན་བྱུང་ཡོདཔ།

ཨཱལ་ཇ་ཟི་ར།
སྤྱི་ཟླ་ ༩ པའི་ཚེས་ ༡༨ ལུ་ ལེ་བ་ནོན་ རྒྱལ་ཁབ་ནང་ ལག་བཤེད་བརྡ་འཕྲིན་འཕྲུལ་ཆས་ པཱེ་ཇར་ཟེར་མི་ཚུ་ གས་པའི་རྐྱེན་གྱིས་ མི་གྲངས་ ༡༤ ལུ་ ཤི་རྐྱེན་དང་ གཞན་མི་ ༤༥༠ དེ་ཅིག་ལུ་ རྨ་སྐྱོན་བྱུང་ཡོདཔ་ཨིན་པས།
དེ་ཡང་ ཧེཛ་བོ་ལའི་ འཐུས་མི་ཚུ་གི་ ལག་བཤེད་བརྡ་འཕྲིན་ཐབས་འཕྲུལ་ཚུ་ གས་སོངཔ་ལས་ མི་གྲངས་ ༡༢ ལུ་ ཤི་རྐྱེན་དང་ གཞན་མི་ ༢,༠༠༠ དེ་ཅིག་ལུ་ རྨ་སྐྱོན་ཚུ་བྱུང་ནུག།
དེ་བཟུམ་མའི་ རྐྱེན་ངན་བྱུང་མི་ལུ་བརྟེན་ཏེ་ སྒྲིང་ཁྱིམ་ཚུ་གུ་ མེ་བཤེད་ཡོདཔ་མ་ཚད་ སྣུམ་འཁོར་ཚུ་ཡང་ མེ་གིས་འཚིགས་ཡོདཔ་ལས་ ནདཔ་སྐྱེལ་འདྲེན་གྱི་ སྣུམ་འཁོར་ཚུ་ཡང་ མགྱོགས་ཤུགས་ཐོག་ལུ་ བདའ་དགོཔ་ཐོན་ནི་དེ་གིས་ འཁོར་ལམ་ཚུ་ སྒྲིག་ཁྲིམས་མེད་པའི་ གཞི་ལུ་གྱུར་ཡོདཔ་ཨིན་པས།
རྐྱེན་ངན་དེ་ལུ་བརྟེན་ཏེ་ གསོ་བའི་ལས་སྡེ་ལུ་ འགན་ཁུར་ཚད་མེད་ འཁྲི་བའི་གུ་ ད་རུང་ཡང་ དེ་བཟུམ་མའི་ རྐྱེན་ངན་ཚུ་ འཐོན་སྲིད་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: