འཛམ་གླིང་སྤྱི་ཚོགས་ནང་ལས་ ཨིཛ་རེལ་གྱིས་ པེ་ལིཛ་ཊིན་ལུ་ བཙན་འཛུལ་བཀག་དམ།

སི་ཨེན་ཨེན།
སྤྱི་ཟླ་ ༩ པའི་ཚེས་ ༡༨ ལུ་ འཛམ་གླིང་སྤྱི་ཚོགས་ཀྱི་ འཐུས་མི་རྒྱལ་ཁབ་ཚུ་གིས་ ད་ལས་ཕར་ ཟླཝ་ ༡༢ ཀྱི་ ནང་འཁོད་ལུ་ ཨིཛ་རེལ་གྱིས་ པེ་ལིཛ་ཊིན་གྱི་ས་ཁོངས་ནང་ བཙན་འཛུལ་འབད་ནི་དེ་ མཇུག་བསྡུ་གཏང་དགོ་པའི་ ཚོགས་རྒྱན་བསྐྱུར་ཡོདཔ་ཨིན་པས།
དེ་ཡང་ འཛམ་གླིང་སྤྱི་ཚོགས་ཀྱི་ ཡོངས་ཁྱབ་ཚོགས་འདུའི་ནང་ལས་ བཅན་འཛུལ་འབད་ནི་ མཇུག་བསྡུ་དགོཔ་སྦེ་ ཚོགས་རྒྱན་ ༡༢༤ ཐོབ་པའི་ཤུལ་ལས་ གྲོས་ཆོད་དེ་བཏོན་ཡོད་རུང་ འཐུས་མི་རྒྱལ་ཁབ་ ༡༤ གིས་ རྒྱལ་འགལ་གྱི་ ཚོགས་རྒྱན་བསྐྱུར་ནུག།
དེ་སྦེ་ རྒྱལ་འགལ་ལུ་ ཚོགས་རྒྱན་བསྐྱུར་མི་ རྒྱལ་ཁབ་ཚུ་ཡང་ ཡུ་ཨེཛ་དང་ ཧང་ག་རི་ ཨིཛ་རེལ་ ཨར་ཇེན་ཊི་ན་ ཛེ་ཀི་ཡ་ ཕི་ཇི་ མ་ལ་ཝི་ མའི་ཀོར་ནེ་ཤི་ཡ་ ནའུ་རུ་ པ་ལའུ་ པ་པུ་ཨ་ནིའི་གི་ནི་ པ་ར་གའི་ ཊོང་ག་ ཊུ་བ་ལུ་ཚུ་ཨིནམ་ད་ གཞན་མི་རྒྱལ་ཁབ་ ༤༣ གྱིས་ ཚོགས་རྒྱན་མ་བཙུགསཔ་ཨིན་པས།
ཚོགས་རྒྱན་དེ་ འཛམ་གླིང་སྤྱི་ཚོགས་ཀྱི་ ཁྲིམས་ཁང་མཐོ་ཤོས་ རྒྱལ་སྤྱི་དྲང་བདེན་ཁྲིམས་ཁང་གིས་ སྤྱི་ཟླ་ ༧ པའི་ནང་ ཨིཛ་རེལ་གྱིས་ པེ་ལིཛ་ཊིན་གྱི་ས་ཁོངས་ ཝེཛ་བེང་དང་ ཤར་ཕྱོགས་ཇེ་རུ་ས་ལེམ་ལུ་ འཛུལ་ཏེ་ཡོད་མི་དེ་ ཁྲིམས་འགལ་ཨིནམ་ལས་ ག་དེ་མགྱོགས་མགྱོགས་ མཇུག་བསྡུ་གཏང་དགོཔ་སྦེ་ བཤད་པའི་ཤུལ་ལས་ འགོ་འདྲེན་འཐབ་ནུག་ཟེར་ བཀོད་འདུག་པའི་གནས་ཚུལ།

Please follow and like us: