དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་དོན་ལས་ གསང་སྔགས་རྡོ་རྗེ་ཐེག་པ་ལྟེ་བའི་ ཡིག་ཚང་སྒོ་འབྱེད།

རང་ལུགས་གནམ་ལོ་ཤིང་འབྲུག་ཟླཝ་ ༨ པ་སྔ་མའི་ཚེས་ ༡༩ སྤྱི་ཟླ་ ༩ པའི་ཚེས་ ༢༡ ལུ་ གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་གིས་ གཟའ་སྐར་དགེ་བའི་ ཉིནམ་དང་བསྟུན་ཏེ་ མི་དབང་མངའ་བདག་རིན་པོ་ཆེ་མཆོག་གི་ ཐུགས་དགོངས་ལས་འཁྲུངས་པའི་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་དོན་ལུ་ གཞུང་གྲྭ་ཚང་གི་ལས་སྣ་ གསང་སྔགས་རྡོ་རྗེ་ཐེག་པ་ལྟེ་བའི་ ལས་འགུལ་ཡིག་ཚང་ཅིག་ སྒོ་འབྱེད་མཛད་གནང་ནུག།
གསང་སྔགས་རྡོ་རྗེ་ཐེག་པ་ལྟེ་བའི་ ལས་འགུལ་ཡིག་ཚང་དེ་ཡང་ གྲྭ་ཚང་འདུས་དམངས་ཀྱི་ བཀའ་བཞིན་དུ་ གཞི་བཙུགས་གནང་ཡོདཔ་ད་ ཡིག་ཚང་དེ་གི་ ལས་འགན་གཙོ་བོ་ དྲན་ཤེས་ཁྲོམ་ཚོགས་ནང་ གཞུང་གྲྭ་ཚང་གི་ ལས་འགུལ་གྱི་དོན་ལུ་ རྒྱབ་སྐྱོར་གནང་མི་དང་ ཕྱི་རྒྱལ་གྱི་ སྦྱིན་བདག་ཚུ་ལུ་ བསུ་ལེན་དང་ རྒྱབ་བསྐྱོར་ཚུ་ གཞུང་དང་མཉམ་འབྲེལ་ཐོག་ལས་ མཛད་ནི་གི་དོན་ལུ་ གཞི་བཙུགས་གནང་ཡོད་པའི་ གནས་ཚུལ་མདོར་བསྡུས།

Please follow and like us: