ཨིཛ་རེལ་གྱིས་ ས་གནས་ག་ཟ་ལུ་ པེ་ལིཛ་ཊིན་གྱི་ མི་སེར་ ༥༣ དམར་བསད།

ཨཱལ་ཇ་ཟི་ར།
སྤྱི་ཟླ་ ༩ པའི་ཚེས་ ༢༥ ལུ་ པེ་ལིཛ་ཊིན་གྱི་ ཞི་བའི་སྲུང་སྐྱོབ་ལས་སྡེ་གིས་འབད་བ་ཅིན་ ག་ཟ་ལུ་ཡོད་མི་ སྡོད་ཁྱིམ་དང་ ཉེན་སྲུང་གི་སྒར་ཚུ་གུ་ ཨིཛ་རེལ་གྱིས་ གནོད་འཚུབ་བཀལ་ཏེ་ ཉིན་ཞག་ ༡ གི་ ནང་འཁོད་ལུ་ པེ་ལིཛ་ཊིན་གྱི་ མི་སེར་ ༥༣ དེ་ཅིག་ དམར་བསད་འབད་ཡི་ཟེར་ཨིན་པས།
དེ་ཡང་ ག་ཟའི་ས་ཁོངས་ནང་ཡོད་མི་ སྡོད་ཁྱིམ་དང་ སྐྱབས་བཅོལ་བའི་སྒར་ཚུ་གུ་ མཁའ་ཐོག་ལས་ གནད་འཚུབ་བཀལ་ཏེ་ ཨ་ལོ་ཚུ་གིས་གཙོས་པའི་ ཨམ་སྲུ་ཚུ་དང་ བཟའ་ཚང་ཚུ་ དམར་བསད་འབད་ནུག།
འཛམ་གླིང་སྤྱི་ཚོགས་ཀྱི་ ཡོངས་ཁྱབ་དྲུང་ཆེན་ ཨེན་ཊོ་ནི་ཡོ་ གུ་ཊེ་རེཛ་གིས་ ཧ་མཱཛ་གིས་ སྤྱི་ཟླ་ ༡༠ པའི་ཚེས་ ༧ ལུ་ གནོད་འཚུབ་བཀལ་མི་དང་ ད་རེས་ ཨིཛ་རེལ་གྱིས་ པེ་ལིཛ་ཊིན་གྱི་ མི་སེར་ཚུ་ལུ་ གནོད་འཚུབ་བཀལ་མི་ཚུ་ བདེན་ཁུངས་བཀལ་མ་ཚུགས་པའི་ གཞི་ཅིག་ཨིན་རུང་ གནས་སྟངས་དེ་ མཇུག་བསྡུ་དགོ་པའི་ ནན་བསྐུལ་འབད་ཡོདཔ་ཨིན་པས།
ཨིཛ་རེལ་གྱིས་ ག་ཟ་ལུ་ ཕྱད་མདའ་རྐྱབ་ནི་ འགོ་བཙུགས་ཞིནམ་ལས་ཚུར་ ད་ཚུན་གྱི་བར་ན་ མི་གྲངས་ ༤༡,༤༩༥ དེ་ཅིག་ དམར་བསད་དང་ མི་གྲངས་ ༩༦,༠༠༦ དེ་ཅིག་ལུ་ རྨ་སྐྱོན་ཚུ་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: