རྒྱལ་ཁབ་ནང་ ཏམ་ཁུ་བཀག་དམ་གྱི་ བཅའ་ཁྲིམས་ལག་ལེན།

གསོ་བའི་བློན་པོ་གིས་ གསུང་དོ་བཟུམ་འབད་བ་ཅིན་ མི་ཚུ་ལུ་ ཏམ་ཁུ་འཐུང་ནི་གི་ དལ་དབང་དང་ རང་དབང་ཡོད་རུང་ ཏམ་ཁུ་དེ་གིས་ སྦོ་ལོགས་ཁར་ཡོད་མི་ཚུ་ལུ་ གནོད་པ་མང་སུ་ཡོདཔ་ལས་ ལྷན་ཁག་གི་ཁ་ཐུག་ལས་ མི་ཚུ་གིས་ ཏམ་ཁུ་ལུ་ དགོས་མཁོ་བཀོད་ནི་ མར་ཕབ་འབད་ནི་དང་ ཐོབ་ཚུགས་པའི་ གོ་སྐབས་ཉུང་སུ་བཟོ་ནི་གི་ ཐབས་ལམ་ཚུ་ འཚོལ་ཞིབ་འབད་དོ་ཟེར་ཨིན་པས།
དེ་ཡང་ ཏམ་ཁུ་ལུ་ ཁྲལ་ཡར་སེང་འབད་བ་ཅིན་ མི་ཚུ་གིས་ ནག་ཚོང་རྐྱབ་ནི་ འགོ་བཙུགས་ནི་ཨིནམ་ལས་ གསོ་བའི་ལྷན་ཁག་གིས་ ཁེ་གྱོང་འབག་མི་སྣ་མང་དང་གཅིག་ཁར་ ལཱ་ཚུ་འབད་དོ་ཟེར་ཨིནམ་ད་ དེ་ཡང་ ཡིག་ཚང་དང་ མི་མང་གི་ས་གོ་ ཚོང་ཁང་ལ་སོགས་པ་ ཏམ་ཁུ་འཐུང་མ་ཆོག་པའི་ ས་གོ་ཚུ་ནང་ དམ་དམ་སྦེ་ར་ ཞིབ་དཔྱད་འབད་དོ་ཟེར་ཨིན་པས།
དེ་མ་ཚད་ ཤེས་རིག་སྤེལ་ཁང་ཚུ་དང་ གསོ་བའི་ལྟེ་བ་ དེ་ལས་ ས་གནས་གཞུང་དང་ བརྡ་བརྒྱུད་ཚུ་ནང་ ཏམ་ཁུ་འཐུང་མ་ཆོག་པའི་ གསལ་བསྒྲགས་ཚུ་ཡང་ འགོ་འདྲེན་འཐབ་ནི་ཨིན་པའི་ཁར་ ཏམ་ཁུ་བཀག་དམ་གྱི་ བཅའ་ཁྲིམས་ནང་གསལ་ དོན་ཚན་ ༣ པ་དེ་ཡང་ དམ་དམ་སྦེ་ར་ ལག་ལེན་འཐབ་ནི་ཨིན་པའི་གནས་ཚུལ།

Please follow and like us: