མི་རྗེ་བློན་ཆེན་གྱིས་ ཨི་ཊ་ལི་ལུ་ འཛམ་གླིང་བཟའ་སྤྱོད་གྲོས་འཛོམས་ནང་ གྲལ་གཏོགས་མཛད་ནི།

པདྨ་དབང་འདུས།
སྤྱི་ཟླ་ ༡༠ པའི་ཚེས་ ༡༢ ལུ་ མི་རྗེ་བློན་ཆེན་ དྲག་ཤོས་ཚེ་རིང་སྟོབས་རྒྱས་མཆོག་ ཨི་ཊ་ལིའི་རྒྱལ་ས་རཱོམ་ལུ་ འཛམ་གླིང་བཟའ་སྤྱོད་གྲོས་འཛོམས་ ༢༠༢༤ ཅན་མའི་ནང་ གྲལ་གཏོགས་ཀྱི་དོན་ལས་ བྱོན་ཡོདཔ་ཨིན་པས།
གྲོས་འཛོམས་དེ་ཡང་ འཛམ་གླིང་སྤྱི་ཚོགས་ བཟའ་སྤྱོད་དང་ སོ་ནམ་ཚོགས་པ་གིས་ འགོ་འདྲེན་འཐབ་དོ་ཡོདཔ་ད་ གྲོས་འཛོམས་དེ་གིས་ མ་འོངས་པའི་ བཟའ་སྤྱོད་ལམ་ལུགས་ ལེགས་སྒྱུར་འབད་ནི་དང་གཅིག་ཁར་ ཡུན་བརྟན་གོང་འཕེལ་གྱི་ དམིགས་དོན་འགྲུབ་ནིའི་དོན་ལུ་ཡང་ ཡར་འཕར་མགྱོགས་འགྲོས་ ཡར་སེང་འབད་ཐབས་ལུ་ འཛམ་གླིང་རྒྱལ་སྤྱིའི་ གྲོས་འཛོམས་ཅིག་སྦེ་ ཞབས་ཏོག་བྱིནམ་ཨིན་པས།
མི་རྗེ་བློན་ཆེན་མཆོག་གིས་ གྲོས་འཛོམས་དེ་ནང་ གསུང་བཤད་གནང་ནི་ཨིནམ་མ་ཚད་ གྲོས་འཛོམས་དེ་གི་ཞོར་ཁར་ ཟུང་ཕྱོགས་དང་ རྒྱལ་སྤྱིའི་མཉམ་རོགས་ཚུ་དང་གཅིག་ཁར་ཡང་ ད་ལྟོ་ཡོད་མི་ མཐུན་འབྲེལ་བཙན་ཐབས་དང་ མཉམ་འབྲེལ་གྱི་ གོ་སྐབས་གསརཔ་ཚུ་ འཚོལ་ཞིབ་ཀྱི་དོན་ལུ་ གསུང་གྲོས་ཚུ་ གནང་ནི་ཨིན་པའི་གནས་ཚུལ།

Please follow and like us: