སྤྱི་ལོ་ ༢༠༢༤ ལོར་ བི་རི་ཊེན་གྱི་ ཚོང་ལཱའི་ནང་ ཨམ་སྲུའི་འགོ་ཁྲིདཔ་མར་འབབ།

རོའི་ཊརཛ།
སྤྱི་ཟླ་ ༡༠ པའི་ཚེས་ ༡༧ ལུ་ བརྟག་ཞིབ་སྙན་ཞུ་ཅིག་ནང་ བཀོད་དོ་བཟུམ་འབད་བ་ཅིན་ བི་རི་ཊེན་ལུ་ སྤྱི་ལོ་ ༢༠༢༤ ལོར་ ལས་འཛིན་ཚུ་ནང་ བཀོད་ཁྱབ་ཀྱི་ ལཱ་འགན་འབག་མི་ ཨམ་སྲུའི་ཚད་གཞི་དེ་ མར་བབས་སོང་ནུག་ཟེར་ཨིན་པས།
དེ་ཡང་ ད་ཚུན་ ལོ་ངོ་ ༨ ཀྱི་ ནང་འཁོད་ལུ་ འགོ་དང་པ་ ཐོན་ཡོདཔ་ད་ གྲོས་སྟོན་ལས་སྡེ་ཅིག་གིས་ དེ་བཟུམ་མའི་ གནས་སྟངས་དེ་ བསྐྱར་གསོ་འབད་ནི་ལུ་ ད་ལས་ཕར་ མི་རབས་ ༥ དེ་ཅིག་ འགོར་འོང་ཟེར་བཤད་ནུག།
བརྟག་ཞིབ་ལས་སྡེ་ པ་ཡེབ་ལེན་གྱིས་ ལས་འཛིན་ཚུ་ནང་ ཆེ་མཐོའི་འགོ་ཁྲིདཔ་གི་ གནས་རིམ་ནང་ ཕོ་མོ་འདྲ་མཉམ་གྱི་ ཁྱད་ཆོས་ཚུ་ བརྟག་ཞིབ་འབད་དོ་ཡོདཔ་ད་ བི་རི་ཊེན་ལུ་ ཐོ་བཀོད་གྲུབ་པའི་ ཚོང་སྡེ་སྦོམ་ཤོས་ ༣༥༠ གི་ནང་ འགོ་ཁྲིདཔ་ཨམ་སྲུ་ བརྒྱ་ཆ་ ༣༣ ཡོད་མི་ལས་ སྤྱི་ལོ་ ༢༠༢༤ ལུ་ བརྒྱ་ཆ་ ༣༢ གུ་ མར་བབས་སོང་ནུག་ཟེར་ཨིན་པས།
སྙན་ཞུ་དེ་ཡང་ ཡུ་ཀེའི་བློན་ཆེན་བགྲེསཔ་ རི་ཤི་སུ་ནག་གིས་ བི་རི་ཊེན་ལུ་ ཐོ་བཀོད་གྲུབ་མི་ ལས་འཛིན་ ༣༥༠ གི་ནང་ བཀོད་ཁྱབ་ཀྱི་ གོ་གནས་འཆང་མི་ ཨམ་སྲུ་བརྒྱ་ཆ་ ༤༠.༢ ཡོདཔ་སྦེ་ བཤད་པའི་ཤུལ་ལས་ གསལ་བཏོན་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: