བྱང་ཀོ་རི་ཡ་གིས་ ར་ཤི་ཡའི་ རྒྱབ་སྐྱོར་ལུ་ དམག་མི་ ༡,༥༠༠ བཏང་ཡོདཔ།

སི་ཨེན་ཨེན།
སྤྱི་ཟླ་ ༡༠ པའི་ཚེས་ ༡༨ ལུ་ ལྷོ་ཀོ་རི་ཡའི་ གསང་ཞིབ་ལས་སྡེ་གིས་ བཤད་དོ་བཟུམ་འབད་བ་ཅིན་ བྱང་ཀོ་རི་ཡ་གིས་ དམག་མི་ ༡,༥༠༠ དེ་ཅིག་ ར་ཤི་ཡ་ལུ་ དམག་རྒྱབ་སྦེ་ སྦྱོང་བརྡར་འབད་བར་ བཏང་ནུག་ཟེར་ཨིན་པས།
དམག་མི་དེ་ཚུ་ཡང་ ར་ཤི་ཡའི་ གྲུ་ཟིང་ ༧ གྱི་ནང་སྦེ་ ར་ཤི་ཡ་ལུ་ དམག་སྦྱོང་གི་དོན་ལས་ བཏང་ཡོདཔ་སྦེ་ཨིནམ་ད་ དམག་མི་དེ་ཚུ་ ར་ཤི་ཡ་ལུ་ མ་བཏང་པའི་ཧེ་མར་ བྱང་ཀོ་རི་ཡའི་ སྲིད་འཛིན་ཀིམ་ཇོང་ཨཱན་ ཁོ་ར་གིས་ར་ ཞིབ་དཔྱད་འབད་ཡི་ཟེར་ཨིན་པས།
ཡུ་ཀེ་རེན་གྱི་ སྲིད་འཛིན་ཛེ་ལེནཛ་ཀི་གིས་ ར་ཤི་ཡ་དང་ བྱང་ཀོ་རི་ཡའི་བར་ན་ མཐུན་ལམ་གོང་འཕེལ་བཏང་མི་ལུ་བརྟེན་ཏེ་ བྱང་ཀོ་རི་ཡའི་ དམག་མི་ཚུ་ ར་ཤི་ཡ་དང་ ཡུ་ཀེ་རེན་གྱི་ ཕྱད་མདའི་ནང་ གྲལ་གཏོགས་འབདཝ་མས་ཟེར་ཨིན་པས།
གསང་ཞིབ་སྙན་ཞུ་དང་འཁྲིལ་བ་ཅིན་ བྱང་ཀོ་རི་ཡ་གིས་ འཕྲུལ་རིག་ལས་བྱེདཔ་ཚུ་དང་སྦྲགས་ཏེ་ དམག་མི་ ༡༠,༠༠༠ དེ་ཅིག་ གཏང་ནི་སྦེ་ གྲ་སྒྲིག་འབད་དོ་ཡོདཔ་སྦེ་ ཧ་གོ་ཡོདཔ་ལས་ ཡུ་ཨེཛ་དང་གཅིག་ཁར་ཡང་ བློ་སླབ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: