མ་ཡན་མར་གྱི་ དྲག་པོའི་སྲིད་གཞུང་ལུ་ ངོ་རྒོལ་འབད་མིའི་ནང་ མུཛ་ལིམ་ཚུ་གིས་གྲལ་གཏོགས།

ཨཱལ་ཇ་ཟི་ར།
མ་ཡན་མར་གྱི་ དྲག་པོའི་སྲིད་གཞུང་ལུ་ ངོ་རྒོལ་འབད་མི་ ནང་པ་སངས་རྒྱས་པ་དང་ ཡེ་ཤུའི་ཆོས་ལུགས་ཀྱི་ དྲག་དམག་སྡེ་ཚན་ནང་ ད་རེས་ མུཛ་ལིམ་ཆོས་ལུགས་ཀྱི་ ལྟ་བ་འཛིན་མི་ཚུ་གིས་ཡང་ གྲལ་གཏོགས་འབད་ནི་ འགོ་བཙུགས་ནུག།
དེ་ཡང་ སྤྱི་ལོ་ ༢༠༢༡ ལུ་ དམངས་གཙོའི་སྲིད་གཞུང་དེ་ དྲག་པོའི་དམག་སྡེ་གིས་ བཙན་དབང་འབད་ཞིནམ་ལས་ཚུར་ ངོ་རྒོལ་འབད་མི་ ཞི་བའི་མི་སྡེ་ནང་ལས་ མང་ཆེ་ཤོས་ཅིག་ ནང་པ་སངས་རྒྱས་པའི་ ལྟ་བ་འཛིན་མི་ ཀ་རེན་ནེ་ཤ་ནཱལ་ ཡུ་ནི་ཡཱན་ཟེར་མི་ དམག་སྡེའི་ནང་ ཡེ་ཤུའི་ལྟ་བ་འཛིན་མི་ཚུ་ཡང་ཡོདཔ་ཨིན་པས།
མུཛ་ལིམ་གྱི་ དམག་མི་ ༡༣༠ འབད་མི་ ངོ་རྒོལ་སྡེ་ཚན་ མུཛ་ལིམ་ཀམ་པ་ནི་ཟེར་མི་དེ་ ཀ་རེན་ནེ་ཤ་ནཱལ་ ཡུ་ནི་ཡཱན་གྱི་འོག་ལུ་ སྡེ་ཚན་ཆུང་ཀུ་ཅིག་ཨིནམ་ད་ སྡེ་ཚན་དེ་ནང་ལས་ མོ་ཧ་མེད་ ཨི་ཤར་གྱིས་ རྒྱལ་ཁབ་དེ་ དྲག་པོའི་སྲིད་གཞུང་འོག་ལུ་ར་ ལུས་སོ་པ་ཅིན་ མི་སེར་ཚུ་ཡང་ བརྡབ་གསིག་གི་ངང་ལུ་ར་ ལུས་འོང་ཟེར་བཤད་ནུག།
དེ་འབདཝ་ལས་ མི་ཡཱན་མར་གྱི་ དྲག་པོའི་སྲིད་གཞུང་ལུ་ ངོ་རྒོལ་འབད་མི་ཚུ་གིས་ རྒྱལ་ཁབ་ནང་ ལོག་སྟེ་ར་ དམངས་གཙོའི་རིང་ལུགས་ཀྱི་ དགོས་མཁོ་བཀོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: