ཨ་མི་རི་ཀའི་ སྲིད་འཛིན་འོགམ་ ཨམ་ཀ་མ་ལ་ ཧར་རིཛ་དང་ དྲི་བ་དྲིས་ལན།

བི་བི་སི།

ཨ་མི་རི་ཀའི་ སྲིད་འཛིན་འོགམ་ ཨམ་ཀ་མ་ལ་ ཧར་རིཛ་དང་ མོ་གི་སྡེ་ཚན་གྱིས་ མོ་གི་བྱང་ཕྱད་ ཌོ་ནཱལ་ཊཱམ་གྱིས ཚོགས་རྒྱན་ཆ་མཉམ་ རྩིས་མ་རྐྱབ་པའི་ཧེ་མར་ སྲིད་འཛིན་བཙག་འཐུའི་ནང་ རྒྱལ་ཁ་ཐོབ་ཡོདཔ་སྦེ་ གསལ་བསྒྲགས་འབད་བ་ཅིན་ གྲ་སྒྲིག་ཡོདཔ་སྦེ་ ཨེན་བི་སི་ལུ་ བཤདཔ་ཨིན་པས།

དེ་ཡང་ ཨམ་ཧར་རིཛ་དང་ ཧེ་ལི་ཇེག་སཱོན་ ༢ ཀྱི་བར་ན་ ཡུ་ཨེཛ་མཚོ་དམག་གི་ བལྟ་རྟོག་ཁང་ནང་སྦེ་ དྲི་བ་དྲིས་ལན་འབད་མི་དེ་ ཨེན་བི་སི་གིས་ སྒྲ་བཟུང་ཐོག་ལས་ སྤྱི་ཟླ་ ༡༠ པའི་ཚེས་ ༢༢ ཀྱི་ཕྱི་རོ་ རྒྱང་བསྒྲགས་འབད་ནུག།

དམངས་གཙོ་ཚོགས་པའི་ ཡུ་ཨེཛ་གི་ སྲིད་འཛིན་འདེམས་ངོ་ ཨམ་ཧར་རིཛ་གིས་ སྲིད་འཛིན་ཇོ་བ་ཡེ་ཌེན་གྱིས་ བཙག་འཐུའི་འདེམས་ངོ་ནང་ལས་ མ་ཐོན་པའི་ཧེ་མར་ རྩོད་བསྡུར་ལེགས་ཤོམ་སྦེ་ འབད་མ་ཚུགསཔའི་སྐོར་ལས་ དྲི་བ་འབད་མི་ཚུ་ལུ་ ལན་རྐྱབ་ཡོདཔ་ཨིན་པས།

དེ་མ་ཚད་ ཨམ་ཧར་རིཛ་གིས་ སྲིད་འཛིན་བགྲེསཔ་ ཌོ་ནཱལ་ཊཱམ་ལུ་ བཟོད་གསོལ་འབད་ནི་དང་ འདེམས་ངོ་འདི་ ཨམ་སྲུ་ཅིག་འབདཝ་ལས་ གལ་གནད་ཆེ་བའི་ བྱུང་རབས་ཅན་གྱི་ དྲི་བ་ཚུ་ཡང་ བཀོད་འདུག་པའི་གནས་ཚུལ།