ར་ཤི་་ཡ་ལུ་ བཙོན་ཁྲིམས་ཕོག་མི་ཚུ་ དམག་མིའི་ནང་ འཛུལ་ཞུགས་ཀྱི་གདམ་ཁ།

བི་བི་སི།
འཕྲལ་ཁམས་ཅིག་ཁར་ ཁྲིམས་རྩོདཔ་ཚུ་གིས་ ཉེས་འགེལ་གྱི་ བཙོན་ཁྲིམས་ཕོག་མི་ཚུ་ བཙོན་ཁྲིམས་ཀྱི་ཚབ་ལུ་ དམག་མིའི་ནང་ འཛུལ་ཞུགས་ཐོག་ལས་ ཕྱད་མདའ་རྐྱབ་པར་ འགྱོ་ནི་གི་ གདམ་ཁ་ཡོད་ལུགས་ཚུ་ བཤད་དགོཔ་སྦེ་བཟོ་ནུག།
སྤྱི་ལོ་ ༢༠༢༤ སྤྱི་ཟླ་ ༣ པའི་ནང་ ཆ་འཇོག་གྲུབ་མི་ ཁྲིམས་ལུགས་དེ་ནང་ ཁྲིམས་སར་བཀལ་ནི་དང་ ཞིབ་དཔྱད་འབད་དགོ་པའི་ དུམ་ཁར་ལྷོད་མི་ གནོད་འགེལ་གྱི་ ལཱ་བྱ་འཐབ་མི་ཚུ་གིས་ཡང་ དམག་མིའི་ནང་ འཛུལ་བ་ཅིན་ ཁྲིམས་རྩོད་དང་ ཞིབ་དཔྱད་ཚུ་ ཕྱད་མདའ་མཇུག་བསྡུ་བའི་ཤུལ་ལུ་ ཆ་མེད་བཏང་ནི་སྦེ་ཡོདཔ་ཨིན་པས།
ར་ཤི་ཡ་ལུ་ འཛིན་བཟུང་འབད་དེ་ཡོད་མི་ དོགས་པ་ཅན་ཚུ་ལུ་ ཁྲིམས་དོན་རྒྱབ་སྐྱོར་བྱིན་མི་ གཞུང་མིན་ལས་ཚོགས་ཅིག་གིས་ ར་ཤི་ཡའི་ ཁྲིམས་ལུགས་བསྟར་སྤྱོད་དེ་ མགོ་མཇུག་སློག་བཏང་ཡི་ཟེར་ཨིནམ་ད་ དེ་ཡང་ མི་ངོམ་ཅིག་གིས་ མི་གཞན་ཅིག་ བསད་ཡོད་པའི་སྐོར་ལས་ མིག་མཐོང་ལག་བཟུང་གི་ སྒྲུབ་བྱེད་ཡོད་རུང་ དམག་མིའི་ནང་ འཛུལ་བ་ཅིན་ ཉེས་ཁྲིམས་ཆ་མེད་ཨིནམ་སྦེ་བཤད་ནུག།
དེ་ཡང་ མི་དེ་ཚུ་ དམག་མིའི་ནང་ བཏང་པའི་ཤུལ་ལས་ ཚེ་སྲོག་ལུ་ བར་ཆད་འབྱུང་རུང་ ག་གིས་ཡང་ སྣང་དག་མི་བསྐྱེད་ནི་ཨིན་པའི་ཁར་ སྤྱིར་བཏང་དཔལ་འབྱོར་ལུ་ཡང་ ཕན་གནོད་མེདཔ་སྦེ་ བརྩི་དོ་ཡོདཔ་ཨིན་པས།
མ་གཞི་ ར་ཤི་ཡ་གིས་ བཙོན་པ་ཚུ་ ཡུ་ཀེ་རེན་དང་གཅིག་ཁར་ ཕྱད་མདའ་རྐྱབ་པར་ བཏང་སྲོལ་ཡོད་མི་དེ་ མ་ཤེསཔ་ཅིག་མེདཔ་ད་ ཉེས་དོགས་པ་ཚུ་གིས་ དམག་མིའི་ནང་ འཛུལ་ནི་སྦེ་ མིང་རྟགས་བཀོད་པ་ཅིན་ དེ་འཕྲལ་ལས་ དམག་མི་ཚུ་གི་ གདོང་ཁར་བཙུགས་ཏེ་ གཏང་དོ་ཡོདཔ་སྦེ་བཀོད་ནུག།
ཨིན་རུང་ ད་ཚུན་གྱི་བར་ན་ ཉེས་ཅན་ག་དེམ་ཅིག་གིས་ དམག་མིའི་ནང་ འཛུལ་ནི་གི་ གདམ་ཁ་རྐྱབ་ཡོདཔ་ཨིན་ནའི་སྐོར་ལས་ མ་ཤེས་རུང་ དེ་བཟུམ་མའི་ ཁྲིམས་ལུགས་སྒྱུར་བཅོས་དེ་གིས་ ར་ཤི་ཡ་ལུ་ དམག་མི་ཡར་སེང་གི་ བརྡ་མཚོན་སྟོནམ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: