ཕི་ལི་པིན་ལུ་ ཊ་མི་ཟེར་མི་ ཆར་རླུང་ཚབས་ཆེན་ལུ་བརྟེན་ཏེ་ ས་རུད་དང་ཆུ་རུད།

སི་ཨེན་ཨེན།
སྤྱི་ཟླ་ ༡༠ པའི་ཚེས་ ༢༤ ལུ་ ཕི་ལི་པིན་ རྒྱལ་ཁབ་ཀྱི་ བྱང་ཤར་ས་ཁོངས་ཚུ་ནང་ ཆར་རླུང་ཚབས་ཆེན་ལུ་བརྟེན་ཏེ་ ཉུང་ཤོས་ར་ མི་གྲངས་ ༢༤ དེ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ སྣུམ་འཁོར་ཚུ་ཡང་ ཆུ་གིས་ཕྱགས་བདའ་ནུག།
དེ་བསྒང་ གཡུས་ཁའི་མི་སེར་ ལེ་ཤ་ཅིག་ར་ ག་ཏེ་ཡང་ འགྱོ་ས་མེད་པར་ ལ་ལོ་ཅིག་ རང་སོའི་ཁྱིམ་ཐོག་ཁར་ ཛེགས་ཏེ་ སྡོད་ཡོདཔ་ད་ ཆར་རླུང་དེ་ཡང་ གནམ་ནུབ་མོར་ ཐོན་ཡོདཔ་ཨིན་པས།
གཞུང་གི་ཁ་ཐུག་ལས་ རྐྱེན་ངན་དེ་ལུ་ གདོང་ལན་གྱི་དོན་ལས་ མཁོ་ཆེ་བའི་ ཡིག་ཚང་ཚུ་མ་གཏོགས་ སྲོབ་གྲྭ་དང་ གཞུང་གི་ཡིག་ཚང་ག་ར་ སྒོ་བསྡམས་བཞག་ནུག།
ཉིནམ་དེ་ཁར་ ཁྲོམ་དང་ གཡུས་ཚན་མང་ཤོས་ཅིག་ནང་ ཤིང་ཚུ་གྱེལ་ཏེ་ འཛུལ་ལམ་ཚུ་ བསུབ་ཡོད་པའི་ཁར་ ས་རུད་དང་ ཆུ་རུད་ཀྱིས་ཡང་ མེདཔ་བཏང་ཡོདཔ་ལས་ འབྲེལ་ཡོད་དབང་འཛིན་ཚུ་ ས་གནས་དེ་ཚུའི་ནང་ ལྷོད་མ་ཚུགས་པ་ལུ་བརྟེན་ཏེ་ ཤི་རྐྱེན་གྱི་གྱངས་ཁ་དེ་ ཡར་སེང་འགྱོ་ནི་བཟུམ་ཅིག་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་ནས་ཚུལ།

Please follow and like us: