གནམ་གཤིས་འགྱུར་བ་ལུ་བརྟེན་ཏེ་ རྒྱ་པཱན་གྱི་ གངས་རི་མཐོ་ཤོས་ ཕུ་ཇི་གུ་ ཁཝ་ཆགས་ནི་ཕྱིས་ཡོདཔ།

སི་ཨེན་ཨེན།
རྒྱ་པཱན་གྱི་ གངས་རི་མཐོ་ཤོས་ ཕུ་ཇི་གུ་ ཨ་རྟག་འབད་བ་ཅིན་ སྤྱི་ཟླ་ ༡༠ པ་ འགོ་བཙུགསཔ་དང་འབྲེལ་ཏེ་ ཁཝ་ཆགས་ནི་ཡོད་རུང་ ལོ་ངོ་ ༡༣༠ གི་ ནང་འཁོད་ལུ་ དུས་ཅི་ འགོ་དང་པ་ ཁཝ་ཆགས་མ་ཚུགསཔ་ཨིན་པས།
དེ་ཡང་ གནམ་གཤིས་འགྱུར་བ་ལུ་བརྟེན་ཏེ་ཨིནམ་ལས་ ཚ་གྱང་ལང་དགོ་པའི་ གཞི་ཅིག་ལུ་ འགྱུར་ཡོདཔ་ད་ རྒྱ་པཱན་གྱི་ ཀོ་ཕུ་ས་གནས་ཀྱི་ གནམ་གཤིས་བརྟག་དཔྱད་ཡིག་ཚང་དེ་ སྤྱི་ལོ་ ༡༨༩༤ ལུ་ གཞི་བཙུགས་འབད་བའི་ཤུལ་ལས་ ལོ་བསྟར་བཞིན་དུ་ ཕུ་ཇི་ལུ་ ཁཝ་འགོ་དང་པ་ ཆགས་པའི་ཉིན་མར་ གསལ་བསྒྲགས་འབད་སྲོལ་ཡོད་རུང་ དུས་ཅི་ དྲོད་ཚད་མཐོ་སུ་ཡོདཔ་ལས་ ཁཝ་ཆགས་མ་ཚུགསཔ་སྦེ་ བཤདཔ་ཨིན་པས།.
དུས་ཅི་ རྒྱ་པཱན་ལུ་ ཚ་དྲོད་མཐོ་སུ་ཡོད་པའི་ཁར་ ཆརཔ་ཡང་ རྐྱབ་རྐྱབ་ས་ར་ཡོདཔ་ལས་ གངས་རི་གུ་ ཁཝ་ཆགས་མ་ཚུགས་པས་ཟེར་ཨིནམ་ད་ དེ་ཡང་ རྒྱ་པཱན་ལུ་ སྤྱི་ལོ་ ༡༨༩༨ ལས་ ཚ་དྲོད་ཀྱི་ གནད་སྡུད་བཀོད་ནི་ འགོ་བཙུགས་ཞིནམ་ལས་ཚུར་ ད་ཚུན་གྱི་བར་ན་ ཚ་དྲོད་མཐོ་ཤོས་ར་ དུས་ཅི་ ཐོན་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: