མི་དབང་མངའ་བདག་རིན་པོ་ཆེ་མཆོག་གིས་ ཀུ་ཝེཊ་དང་ སའུ་དི་ཨ་རབ་བི་ཡ་ལུ་གཟིགས་སྐོར།

བདུན་ཕྲག་འདི་ནང་ མི་དབང་མངའ་བདག་རིན་པོ་ཆེ་མཆོག་གིས་ ཀུ་ཝེཊ་ལུ་ ཆིབས་བསྐྱོད་གནང་སྟེ་ རི་ཡཱད་ལུ་ མ་འོངས་པའི་ མ་རྩ་གཞི་བཙུགས་སྤེལ་ཁང་གི་ ཞལ་འཛོམས་ནང་ དབུ་བཞུགས་མཛད་གནང་པའི་ཁར་ རྒྱལ་སྤྱི་ཚོང་འབྲེལ་དང་ སྲིད་དོན་འགོ་ཁྲིདཔ་ཚུ་དང་ཡང་ མཇལ་ཕྲད་མཛད་གནང་ནུག།
དེ་བཟུམ་སྦེ་ སའུ་དི་ཨ་རབ་བི་ཡ་ལུ་ཡང་ ཆིབས་བསྐྱོད་གནང་བཞིན་དུ་ སའུ་དི་ཨ་རབ་བི་ཡའི་བློན་ཆེན་ རྒྱལ་སྲས་མོ་ཧ་མེད་བིན་ སཱལ་མཱན་བིན་ ཨབ་དུལ་ཨ་ཛིཛ་དང་ཡང་ མཇལ་ཕྲད་མཛད་ཡོདཔ་ཨིན་པས།
འབྲུག་དང་ སའུ་དི་ཨ་རབ་བི་ཡའི་བར་ན་ དོན་གཅོད་མཐུན་ལམ་དེ་ འཕྲལ་ཁམས་ཅིག་ཁར་ གཞི་བཙུགས་འབད་ཡོདཔ་ལས་ མི་དབང་མཆོག་གིས་ གཟིགས་སྐོར་དེ་གིས་ རྒྱལ་ཁབ་ ༢ ཀྱི་ མཐུན་ལམ་ལུ་ བཙན་ཐབས་བྱུང་ཡོདཔ་མ་ཚད་ ཚོང་འབྲེལ་དང་ མ་རྩ་གཞི་བཙུགས་ནང་ མཉམ་འབྲེལ་འཐབ་ནི་གི་ གོ་སྐབས་འཚོལ་ཞིབ་ལུ་ཡང་ ཁེ་ཕན་བྱུང་ནུག།
མི་དབང་མངའ་བདག་རིན་པོ་ཆེ་མཆོག་ ཀུ་ཝེཊ་ལུ་ཕེབས་ད་ ཨེ་མིར་ཤེག་མེ་ཤཱལ་ ཨཱལ་ཨ་ཧ་མེད་ ཨཱལ་ཇ་བར་ ཨཱལ་ས་བྷ་གིས་ ཕེབས་བསུ་ཞུ་བའི་ཁར་ རྒྱལ་སྲས་ཤེག་ས་བྷ་ཁ་ལེཌ་ ཨཱལ་ཧ་མེད་ ཨཱལ་ས་བྷ་དང་ཡང་ མཇལ་ཕྲད་མཛད་གནང་ཡོད་པའི་གནས་ཚུལ།

Please follow and like us: