པ་ཀིཛ་ཏཱན་ལུ་ རེལ་ལི་འཐོན་འཛུལ་འབད་སར་ རྫས་བམ་གས་ཏེ་ མི་གྲངས་ ༢༡ དམར་བསད།

སི་ཨེན་ཨེན།
སྤྱི་ཟླ་ ༡༡ པའི་ཚེས་ ༨ ལུ་ དྲོ་པའི་ཆུ་ཚོད་ ༩ དེ་ཅིག་ཁར་ པ་ཀིཛ་ཏཱན་ རྒྱལ་ཁབ་ཀྱི་ ལྷོ་ནུབ་ལུ་ རེལ་ལི་འཐོན་འཛུལ་གྱི་ ས་གོ་ནང་ རྫས་བམ་ཅིག་གས་ཏེ་་ མི་གྲངས་ ༢༡ ལུ་ ཤི་རྐྱེན་དང་ ༣༠ དེ་ཅིག་ལུ་ རྨ་སྐྱོན་བྱུང་ནུག།
རྫས་བམ་དེ་ བ་ལོག་ལི་བ་རེ་ཤཱན་ ཨར་མི་ཟེར་མི་ ངོ་རྒོལ་དམག་སྡེ་གིས་ བཀལ་ཡོདཔ་སྦེ་ ཁ་བཟེད་ཡོདཔ་ད་ ལུང་ཕྱོགས་དེ་ནང་ གནོད་འཚུབ་ཚུ་ ལག་ལེན་འཐབ་མི་ ངོ་རྒོལ་དམག་སྡེ་དེ་གིས་ རྫས་བམ་དེ་ཡང་ འགྲུལ་པ་ལེ་ཤ་ཅིག་ སྤུངས་འཛོམས་འབད་བའི་ དུས་ཚོད་ཁར་ རང་སྲོག་བཅད་ཐོག་ལས་ གས་བཅུག་ནུག་ཟེར་་ཨིན་པས།
མངའ་སྡེའི་གཙོ་འཛིན་བློན་པོ་ སར་ཕ་རཱཛ་བུག་ཏི་གིས་ རྐྱེན་ངན་དེ་གི་སྐོར་ལས་ དབྱེ་ཞིབ་འབད་དགོ་པའི་ བཀོད་རྒྱ་གནང་ཡོདཔ་ད་ བློན་ཆེན་ཤེ་བྷཛ་ ཤ་རིཕ་གིས་ཡང་ ཁ་ཉེས་ཚུ་ བཀལ་ཡོདཔ་ཨིན་པས།
ངོ་རྒོལ་དམག་སྡེ་དེ་གིས་ གནོད་འཚུབ་སྦོམ་ར་ དུས་ཅི་གི་ལོ་ནང་ བཀལ་ཡོད་པའི་ནང་ལས་ སྤྱི་ཟླ་ ༡༠ པའི་ནང་ རྒྱལ་ས་ཀ་ར་ཅི་ལུ་འོང་མི་ རྒྱ་ནག་གི་ བཟོ་རིག་པའི་ སྣུམ་འཁོར་ཚུ་ལུ་ གནོདཔ་བཀལ་ཏེ་ རྒྱ་ནག་གི་ མི་ཁུངས་ ༢ དམར་བསད་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: