ཡུ་ཨེཛ་གིས་ ཨིཛ་རེལ་ལུ་ ཌོ་ལར་ས་ཡ་ ༦༨༠ གནས་མི་ གོ་མཚོན་ཚོང་སྒྱུར་གྱི་གནང་བ།

ཨཱལ་ཇ་ཟི་ར།
འཛམ་གླིང་དབུས་ཕྱོགས་ལུ་ ཞི་བདེའི་དོན་ལས་ བརྩོན་ཤུགས་བསྐྱེད་དོ་ཡོད་རུང་ ཡུ་ཨེཛ་གིས་ ཨིཛ་རེལ་ལུ་ ཌོ་ལར་ས་ཡ་ ༦༨༠ གནས་མི་ གོ་མཚོན་ཚུ་ ཚོང་སྒྱུར་འཐབ་ཆོག་པའི་ གནང་བ་གྲོལ་ནུག།.
སྙན་ཞུ་དེ་ཡང་ སྤྱི་ཟླ་ ༡༡ པའི་ཚེས་ ༢༧ ལུ་ ཨིཛ་རེལ་དང་ ཧེཛ་བོ་ལའི་བར་ན་ ཕྱད་མདའ་མཚམས་འཇོག་འབད་བའི་ གསལ་བསྒྲགས་དང་ ཨིཛ་རེལ་དང་ཧ་མཱཛ་གི་ ཕྱད་མདའ་དང་འབྲེལ་ཏེ་ འགྲིག་ཆ་ཤོ་མཚུངས་ བཟོ་ནི་ཨིནམ་སྦེ་ ཁས་ལེན་འབད་བའི་ཤུལ་ལུ་ ཐོན་ཡོདཔ་ཨིན་པས།
གོ་མཚོན་ཚོང་སྒྱུར་གྱི་ གནད་དོན་དེ་ སྤྱི་ཟླ་ ༩ པའི་ནང་ ཡུ་ཨེཛ་གི་ སྤྱི་ཚོགས་ནང་ལས་ ཚོགས་ཆུང་ཚུ་གིས་ བསྐྱར་ཞིབ་འབད་དེ་ སྤྱི་ཟླ་ ༡༠ པའི་ནང་ སྤྱི་ཚོགས་ལུ་ ཕུལ་ཡོདཔ་ད་ ཚོང་སྒྱུར་དེ་ནང་ རྫས་བམ་ཆུང་ཀུ་དང་ གནོད་འཚུབ་ཐད་ཀར་དུ་ བཀལ་ཚུགས་མི་ གོ་མཚོན་ཚུ་ ཚུད་དེ་ཡོདཔ་སྦེ་བཀོད་ནུག།
ཨིན་རུང་ ཡུ་ཨེཛ་གཞུང་གི་ཁ་ཐུག་ལས་ སྙན་ཞུ་དེ་ ངོ་མ་ཨིནམ་སྦེ་ གཏན་འཁེལ་མ་འབད་བར་ཡོདཔ་ད་ གནས་ཚུལ་དང་འཁྲིལ་བ་ཅིན་ ཡུ་ཨེཛ་གིས་ ལོགས་གཅིག་ལས་ འཛམ་གླིང་དབུས་ཕྱོགས་ལུ་ ཞི་བདེའི་དོན་ལས་ བརྩོན་ཤུགས་བསྐྱེད་ནི་དང་ ལོགས་གཅིག་ལས་ ཨིཛ་རེལ་ལུ་ གོ་མཚོན་བཙོང་ནི་དེ་ རྟགས་མ་མཐུན་མ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: