སྤུངས་ཐིམ་གཞུང་གྲྭ་ཚང་གི་ འཕགས་པའི་དགེ་འདུནམ་ཚུ་ སྤུངས་ཐང་བདེ་ཆེན་ཕོ་བྲང་ནང་གསོལ་ཐབ།

རང་ཟླ་ ༡༠ པའི་ཚེས་ ༡ སྤྱི་ཟླ་ ༡༢ པའི་ཚེས་ ༢ ལུ་ སྤུངས་ཐིམ་གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་གིས་ དབུ་གཙོས་པའི་ འཕགས་པའི་དགེ་འདུནམ་ཚུ་ ནང་རྟེན་བྱིན་ཅན་ཚུ་དང་བཅསཔ་སྦེ་ དགུན་གྱི་བཞུགས་གནས་ སྤུངས་ཐང་བདེ་ཆེན་ཕོ་བྲང་ནང་ གསོལ་ཐབ་ཕེབས་གནང་ནུག།

དེ་ཡང་ རང་ཟླ་ ༩ པའི་ཚེས་ ༣༠ སྤྱི་ཟླ་ ༡༢ པའི་ཚེས་ ༡ ལུ་ དབྱར་གྱི་བཞུགས་གནས་ ཐིམ་ཕུ་བཀྲིས་ཆོས་རྫོང་ལས་ ཆིབས་བསྐྱོད་གནང་སྟེ་ དགུང་ཞག་འཕྲིན་ལས་སྒང་ལུ་ བཞུགས་ཡོདཔ་ད་ དེ་སྦེ་ ཆིབས་བསྐྱོད་གནང་པའི་སྐབས་ལུ་ མི་སེར་ཚུ་གིས་ བྱོན་ལམ་བདའ་སྟེ་ གྲལ་བསྒྲིགས་ཐོག་ལུ་ ནང་རྟེན་བྱིན་ཅན་ཚུ་ལས་ དབང་ཞུ་ཡོད་པའི་ གནས་ཚུལ་མདོར་བསྡུས།

Please follow and like us: