རྒྱ་ནག་གི་ དོན་གཅོད་པ་ཅིག་ པ་ར་ག་ཡེ་ རྒྱལ་ཁབ་ནང་ལས་ ཕྱིར་བཏོན་བཏང་ཡོདཔ།

སི་ཨེན་ཨེན།
སྤྱི་ཟླ་ ༡༢ པའི་ཚེས་ ༥ ལུ་ རྒྱ་ནག་གི་ དོན་གཅོདཔ་ཅིག་གིས་ ལྷོ་ཨ་མེ་རི་ཀའི་ རྒྱལ་ཁབ་ཚུ་གིས་ ཏ་ཡེ་ཝཱན་དང་གཅིག་ཁར་ མཐུན་ལམ་རྒྱུན་བཅད་དགོ་པའི་ རྒྱུད་སྐུལ་འབད་བ་ལུ་བརྟེན་ཏེ་ པ་ར་ག་ཡེ་ རྒྱལ་ཁབ་ནང་ལས་ བཏོན་བཏང་ནུག།
དེ་ཡང་ པ་ར་ག་ཡེ་ ཕྱི་འབྲེལ་བློན་པོ་གིས་ བརྗོད་དོན་ཅིག་ བཏོན་མིའི་ནང་ རྒྱ་ནག་གི་དོན་གཅོདཔ་ ཞུ་ཝི་གི་ རྒྱལ་ཁབ་ནང་ གནས་སྡོད་ཀྱི་ ཆོག་ཐམ་དེ་ ཆ་མེད་བཏང་ཡོདཔ་ད་ ཞུ་ཝི་དེ་ ལེ་ཊིན་ཨ་མི་རི་ཀ་ལུ་ རྒྱ་ནག་གི་ དོན་གཅོདཔ་ཨིན་པས།
དོན་གཅོདཔ་ཞུ་ཝི་དེ་ འཛམ་གླིང་སྤྱི་ཚོགས་ཀྱི་ ཚན་རིག་དང་ ལམ་སྲོལ་ཚོགས་པའི་ ཞལ་འཛོམས་ནང་ འོང་ཡོད་རུང་ ཞལ་འཛོམས་དེ་ནང་ གྲལ་གཏོགས་མ་འབད་བར་ པ་ར་ག་ཡེ་ལུ་ སོང་ཞིནམ་ལས་ ནང་འཁོད་སྲིད་དོན་ལུ་ བར་དཀྲུགས་འབད་ནུག།
རྒྱལ་ཁབ་དེ་ ལྷོ་ཨ་མེ་རི་ཀའི་ རྒྱལ་ཁབ་ཚུ་གི་གྲས་ལས་ ཏ་ཡེ་ཝཱན་དེ་ རང་དབང་རྒྱལ་ཁབ་སྦེ་ བརྩི་འཇོག་འབད་མི་ཅིག་ཨིནམ་ད་ འཛམ་གླིང་ནང་ ཏ་ཡེ་ཝཱན་དེ་ རྒྱལ་ཁབ་སྦེ་ ངོས་ལེན་འབད་མི་ ༡༢ ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: