པ་ཀིཛ་ཏཱན་ལུ་ སྲིད་དོན་གྱི་བྲེལ་ཟིང་།

ཨཱལ་ཇ་ཟི་ར།
པ་ཀིཛ་ཏཱན་ལུ་ བློན་ཆེན་བགྲེསཔ་ ཨིམ་རཱན་ཁཱན་ལུ་ རྒྱབ་སྐྱོར་འབད་མི་ཚུ་གིས་ ངོ་རྒོལ་འགྲེམ་སྟོན་འབདཝ་ད་ སྲུང་སྐྱོབ་དམག་མི་དང་ ངོ་རྒོལ་འབད་མི་ཚུ་གི་ བྲེལ་ཟིང་ལུ་བརྟེན་ཏེ་ སྲིད་ཚོགས་ཀྱིས་ ངོ་རྒོལ་འགྲེམ་སྟོན་འབད་མི་ཅིག་ལུ་ ཀྲོབ་མདའ་ཕོག་སྟེ་ ཤི་རྐྱེན་བྱུང་ཡོདཔ་སྦེ་ བཤད་མི་དེ་ལུ་ གཞུང་གི་ཁ་ཐུག་ལས་ ངོ་རྒོལ་འགྲེམ་སྟོན་འབད་མི་ ༡ ལུ་ཡང་ ཤི་རྐྱེན་མ་བྱུང་ཟེར་ཨིན་པས།
དེ་ཡང་ པ་ཀིཛ་ཏཱན་ ཏ་རིག་ཨི་ཨིན་སཱཕ་ སྲིད་ཚོགས་ཀྱི་ འཐུས་མི་ཚུ་གིས་ ཨིཛ་ལ་མ་བཱད་ལུ་ བཙན་འཛུལ་འབད་བའི་ཤུལ་ལས་ ཁྲིམས་ལུགས་བསྟར་སྤྱོད་ལས་སྡེ་ཚུ་གིས་ ཁོང་ཆ་ཁྱབ་ ཕྱིར་བཏོན་འབད་ཞིནམ་ལས་ཚུར་ མི་ལུ་ཤི་རྐྱེན་དང་ རྨ་སྐྱོན་བྱུང་ཡོདཔ་ལས་ སྲིད་ཚོགས་དང་ གཞུང་གི་བར་ན་ མ་འགྲིགསཔ་ཐལ་ནུག།
ཚོགས་པའི་འཐུས་མི་ ལ་ལོ་ཅིག་གིས་ ངོ་རྒོལ་འགྲེམ་སྟོན་འབད་མི་ ལེ་ཤ་ཅིག་ལུ་ ཤི་རྐྱེན་བྱུང་ཡོདཔ་སྦེ་ཨིན་རུང་ སྲིད་ཚོགས་དེ་གི་ཁྲི་འཛིན་ གོ་ཧར་ཨ་ལི་ཁཱན་གྱིས་ མི་གྲངས་ ༡༢ ལུ་ ཤི་རྐྱེན་བྱུང་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: