རྒྱ་གར་དིལླི་ལུ་ བཙོག་རླུང་རྒྱ་ཆེ་ཏོག་ཏོ་སྦེ་ར་ ཁྱབ་སྤེལ་སོང་ཡོདཔ་ལས་ མཁས་མཆོག་ཅིག་གིས་ མི་མང་ལུ་ཉེན་བརྡ།

བི་བི་སི།
རྒྱ་གར་དིལླི་ལུ་ བཙོག་རླུང་རྒྱ་ཆེ་ཏོག་ཏོ་སྦེ་ར་ ཁྱབ་སྤེལ་སོང་ཡོདཔ་ལས་ མཁས་མཆོག་ཅིག་གིས་ ཉེན་བརྡ་འབད་བའི་ནང་གསལ་ ནད་ཡམས་ཀོ་ཝིཌ་-༡༩ དང་ཕྱདཔ་ད་ བཙོག་རླུང་དེ་གིས་ མི་མང་གི་ འཕྲོད་བསྟེན་ལུ་ གནོད་སྐྱོན་སྦོམ་སྦེ་ར་ འབྱུང་འོང་ཨིན་པས
དེ་ཡང་ སྤྱི་ཟླ་ ༡༢ པའི་ཚེས་ ༡༩ ལུ་ འཛམ་གླིང་གསོ་བའི་ལས་ཚོགས་ཀྱིས་ བཙོག་རླུང་དེ་ ཉེན་སྲུང་གི་ ཚད་གཞི་ལས་ མཐོ་དྲགས་སྦེ་ར་ ཡར་སེང་སོང་ཡོདཔ་ལས་ མི་སེར་ཚུ་ལུ་ དབུགས་གཏོང་ལེན་གྱི་ དཀའ་ངལ་དང་ མིག་ཏོ་དང་ ལྐོདམོ་ཚུ་ནང་ གནོད་སྐྱོན་འབྱུང་ནི་གི་ ཉེན་ཁ་སྦོམ་ཡོདཔ་སྦེ་བཀོད་ནུག།
དེ་གི་ནང་ལས་ཡང་ ཨ་ལོ་དང་ རྒན་ཤོས་ཚུ་ ག་དེ་དྲག་དྲག་ ཁྱིམ་ནང་སྡོད་དགོ་པའི་ དྲན་བསྐུལ་འབད་བའི་ཁར་ དྲུང་འཚོ་ཚུ་གིས་ ཁ་རས་རྐྱབ་དགོཔ་སྦེ་ཡང་ བཤདཔ་ཨིན་པས།
རྒྱ་གར་དིལླི་དང་ ཉེ་འདབས་ཀྱི་ མངའ་སྡེ་ཚུ་ནང་ རླུང་མའི་མགྱོགས་ཚད་ཉུང་སུ་དང་ སྣུམ་འཁོར་གྱི་ བཙོག་རླུང་དང་ ལོ་ཐོག་བསྡུ་ཚར་བའི་ཤུལ་ལུ་ རག་རོ་དང་ ཤིང་དེ་ཚུ་ མེ་བཏང་པ་ལུ་བརྟེན་ བཙོག་རླུང་མཐོ་དྲགས་སྦེ་ར་ ཐོནམ་ཨིན་པས་ཟེར་བཀོད་ནུག།
དིལླིའི་ས་གོ་ཚུ་ནང་ བཙོག་རླུང་དེ་ སྤྱི་ཟླ་ ༡༢ པའི་ཚེས་ ༡༩ གི་དྲོ་པ་ ༥༥༠ ལས་བརྒལ་ཏེ་ ཉེན་ཁ་ཅན་གྱི་ གནས་ཚད་ ༣༠༠ ལས་ ལྷག་ཡོདཔ་ད་ ལཱོན་ཌཱོན་ལུ་འབད་བ་ཅིན་ སྤྱི་ཟླ་ ༡༢ པའི་ཚེས་ ༡༩ གི་དྲོ་པར་ གནས་ཚད་ ༢༦ ཡོདཔ་ཨིན་པས།
དེ་བཟུམ་མའི་ བཙོག་རླུང་ལུ་བརྟེན་ཏེ་ དབུགས་གཏོང་ལེན་གྱི་ དཀའ་ངལ་དང་ གློ་ནད་ དེ་ལས་ སེམས་ཁམས་ཀྱི་ ནད་གཞི་ཚུ་ གློ་བུར་གནས་སྟངས་ནང་ ཐོན་དོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: