མི་དབང་མངའ་བདག་ཞབས་ལས་ དབང་ཕྱུག་རྣམ་རྒྱལ་ལུ་ བཀབ་ནེ་དཀརཔོ་དང་ དཔའ་རྟགས་གནང་ཡོདཔ།

སྤྱི་ཟླ་ ༡༢ པའི་ཚེས་ ༡༧ ལུ་ རྒྱལ་ཡོངས་དུས་ཆེན་ བརྩི་སྲུང་དང་འབྲེལ་ཏེ་ མི་དབང་མངའ་བདག་རིན་པོ་ཆེ་མཆོག་གིས་ རྒྱལ་ཡོངས་ཚོགས་འདུའི་ ཚོགས་དཔོན་བགྲེསཔ་ དབང་ཕྱུག་རྣམ་རྒྱལ་ལུ་ བཀབ་ནེ་དཀརཔོ་དང་ དཔའ་རྟགས་གནང་ཡི།
དབང་འདུས་ཕོ་བྲང་རྫོང་ཁག་ལས་ སྐྱེས་ལོ་ ༦༠ འབད་མི་ དབང་ཕྱུག་རྣམ་རྒྱལ་གྱིས་ ཤེས་རིག་ལས་སྡེའི་ནང་ ལོ་ངོ་ ༢༥ ལྷགཔ་ཅིག་གི་རིང་ལུ་ ཕྱག་ཞུ་ཡོདཔ་ཨིན་པས།
དེ་ཡང་ དབྱངས་ཅན་ཕུག་དང་ འབྲུག་རྒྱལ་ བྱ་དཀར་ ཉི་མ་སློབ་གྲྭ་ཚུ་ནང་ སློབ་དཔོན་དང་ དབུ་འཛིན་སྦེ་ ཕྱག་ཞུ་བའི་ཁར་ སྤ་རོ་ཤེས་རིག་འགོ་དཔོན་དང་ ཤེས་རིག་ལྷན་ཁག་ནང་ ལྟ་རྟོག་གཙོ་འཛིན་སྦེ་ཡང་ ཕྱག་ཞུ་ནུག།
སྤྱི་ལོ་ ༢༠༡༨ ལུ་ སྲིད་དོན་ནང་ འཛུལ་ཞུགས་འབད་དེ་ ལོ་ངོ་ ༥ གི་རིང་ལུ་ རྒྱལ་ཡོངས་ཚོགས་འདུའི་ ཚོགས་དཔོན་སྦེ་ ཕྱག་ཞུ་བའི་ཁར་ དུས་ཅི་ སྤྱི་ཟླ་ ༣ པའི་ནང་ལས་ འཇིགས་མེད་སེངྒེ་དབང་ཕྱུག་ ཁྲིམས་ཀྱི་སློབ་སྡེའི་ནང་ སློབ་ཕྲུག་ལས་དོན་དང་ སློབ་དཔོན་ཞབས་ཏོག་གི་ མདོ་ཆེན་སྦེ་ ཕྱག་ཞུཝ་ཨིན་པའི་གནས་ཚུལ།

Please follow and like us: