མི་དབང་མཆོག་གི་ཞབས་ལས་ ཚེ་དབང་རྟ་མགྲིན་ལུ་ བཀབ་ནེ་དཀརཔོ་དང་ དཔའ་རྟགས་གནང་ཡོདཔ།

སྤྱི་ཟླ་ ༡༢ པའི་ཚེས་ ༡༧ ལུ་ མི་དབང་མཆོག་གིས་ རྒྱལ་འཛིན་ཐིམ་ཕུ་མཐོ་རིམ་སློབ་གྲྭའི་གཙོ་འཛིན་ ཚེ་དབང་རྟ་མགྲིན་ལུ་ བཀབ་ནེ་དཀརཔོ་དང་ དཔའ་རྟགས་གནང་ཡི།
སྤ་རོ་ཁང་ཁུ་ལས་ སྐྱེས་ལོ་ ༦༦ འབད་མི་ ཚེ་དབང་རྟ་མགྲིན་གྱིས་ ཤེས་རིག་ལས་སྡེའི་ནང་ ལོ་ངོ་ ༣༥ གི་རིང་ལུ་ ཕྱག་ཞུ་ཡོདཔ་ད་ དེ་ཡང་ དབྱངས་ཅན་ཕུག་སློབ་གྲྭ་དང་ ཤེས་རབ་བརྩེ་ མཐོ་རིམ་སློབ་གྲྭ་ཚུ་ནང་ དབུ་འཛིན་སྦེ་ ཕྱག་ཞུ་ནུག།
དེ་ལས་ རྒྱལ་གཞུང་འཛིན་སྐྱོང་སློབ་སྡེའི་ ཡོངས་ཁྱབ་མདོ་ཆེན་དང་ ཤེས་རིག་ལྷན་ཁག་ནང་ མདོ་ཆེན་ཚུ་བརྩིས་ཏེ་ འགོ་ཁྲིདཔ་གི་ འགན་ཁུར་གལ་ཅན་ ལེ་ཤ་ཅིག་གི་ནང་ར་ ཕྱག་ཞུ་ཡོདཔ་ཨིན་པའི་གནས་ཚུལ།

Please follow and like us: