ཏཱ་ཡེ་ཝཱན་གྱི་ མཐའ་འཁོར་ལུ་ རྒྱ་ནག་གི་ གནམ་གྲུ་དང་ གྲུ་ཆེན་འགྲུལ་བསྐྱོད།

ཨེ་བི་སི།
སྤྱི་ཟླ་ ༡༢ པའི་ཚེས་ ༢༦ ལུ་ ཏཱ་ཡེ་ཝཱན་རྒྱལ་ཡོངས་སྲུང་སྐྱོབ་ལྷན་ཁག་ལས་ བཤད་དོ་བཟུམ་འབད་བ་ཅིན་ ཏཱ་ཡེ་ཝཱན་གྱི་ མཐའ་འཁོར་ལུ་ རྒྱ་ནག་གི་ གྲུ་ཆེན་ ༥ འགྲུལ་བསྐྱོད་འབད་བའི་ཁར་ སྣུམ་འཁོར་ཚུ་ཡང་ ས་གནས་ཀྱི་ དྲོ་པའི་ཆུ་ཚོད་ ༦ ཚུན་ འགྲོ་འགྲུལ་འབད་ཡི་ཟེར་ཨིན་པས།
དེ་བཟུམ་སྦེ་ སྤྱི་ཟླ་ ༡༢ པའི་ཚེས་ ༢༥ ལུ་ཡང་ རྒྱ་ནག་གི་ མཁའ་དམག་གནམ་གྲུ་ ༥ ཕུར་འགྲུལ་དང་ མཚོ་དམག་གྲུ་ཆེན་ ༦ འགྲུལ་བསྐྱོད་འབད་ཡོད་པའི་སྐོར་ལས་ཡང་ སྙན་ཞུ་ཅིག་ནང་བཀོད་ནུག།
དེ་བསྒང་ མཁའ་དམག་གནམ་གྲུ་ ༣ ལས་ གནམ་གྲུ་ ༡ ཏཱ་ཡེ་ཝཱན་གྱི་ ཤར་ཕྱོགས་ཁ་ཐུག་ལུ་ ངོས་འཛིན་ཅན་གྱི་ མཁའ་དབྱིངས་སྲུང་སྐྱོབ་ས་ཁོངས་ནང་ ཕུར་འགྲུལ་འབད་ཡི་ཟེར་ཨིན་པས།
དེ་མ་ཚད་ སྤྱི་ཟླ་ ༡༢ པའི་ཚེས་ ༢༤ ལུ་ཡང་ རྒྱ་ནག་གི་ མཁའ་དམག་གནམ་གྲུ་ ༨ ཕུར་འགྲུལ་འབད་བའི་ཁར་ མཚོ་དམག་གྲུ་ཆེན་ ༥ ཡང་ འགྲུལ་བསྐྱོད་འབད་ཡོད་པའི་ནང་ལས་ མཁའ་དམག་གནམ་གྲུ་ ༦ ཏཱ་ཡེ་ཝཱན་གྱི་ བྱང་ཕྱོགས་དང་ ནུབ་ཕྱོགས་ཁ་ཐུག་ལུ་ ཕུར་འགྲུལ་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: