རྒྱ་གར་གྱི་ བློན་ཆེན་བགྲེསཔ་ ཌོག་ཊར་མཱན་མོ་ཧཱན་སིང་གཤགས་མིའི་སྤུར་སྦྱང་།

བི་བི་སི།
སྤྱི་ཟླ་ ༡༢ པའི་ཚེས་ ༢༨ ལུ་ རྒྱ་གར་གྱི་ བློན་ཆེན་བགྲེསཔ་ ཌོག་ཊར་མཱན་མོ་ཧཱན་སིང་གཤགས་མིའི་ མྱ་ངན་དང་བཅས་པའི་སྒོ་ལས་ གཞུང་འབྲེལ་ཐོག་ལུ་ སྤུར་སྦྱང་འབད་ནུག།
དེ་ཡང་ ཌོག་ཊར་མཱན་མོ་ཧཱན་སིང་གིས་ སྤྱི་ལོ་ ༢༠༠༤ ལས་ ༢༠༡༤ ཚུན་ རྒྱལ་ཁབ་ཀྱི་ དབུ་ཁྲིད་མཛད་ཡོདཔ་བཞིན་དུ་ རྒྱ་གར་ལུ་ དཔལ་འབྱོར་རང་དབང་ཅན་གྱི་ བཟོ་རིག་པ་ཅིག་སྦེ་ ཆ་བཞགཔ་ཨིན་པས།
དགུང་ལོ་ ༩༢ བཞེས་མི་ བློན་ཆེན་བགྲེསཔ་དེ་ སྤྱི་ཟླ་ ༡༢ པའི་ཚེས་ ༢༦ ལུ་ གཤགས་ཡོདཔ་ད་ བློན་ཆེན་ནཱ་རེན་ད་ར་ མོ་དི་གིས་ མྱ་ངན་བརྩི་སྲུང་ནང་ གྲལ་གཏོགས་མཛད་ཡོདཔ་མ་ཚད་ ཁོ་གིས་ ཌོག་ཊར་མཱན་མོ་ཧཱན་སིང་དེ་ རྒྱལ་ཁབ་ནང་ ཁྱད་འཕགས་ཅན་གྱི་ འགོ་ཁྲིད་ཅིག་ཡང་ཨིན་ཟེར་གསུངས་ནུག།
ཌོག་ཊར་སིང་གི་ སྐུ་ཕུང་དེ་ ལྡི་ལིའི་ཁྲོམ་ལམ་བདའ་སྟེ་ གདན་འདྲེན་ཞུཝ་ད་ མི་སེར་ཚུ་ གུས་བཏུད་ཞུ་ནིའི་དོན་ལུ་ སྤུངས་འཛོམས་འབད་བའི་ཁར་ སྤུར་སྦྱང་སྐབས་ལུ་ རྒྱ་གར་གྱི་ སྲིད་འཛིན་དང་ བློན་ཆེན་ དེ་ལས་ གཞུང་གི་འགོ་དཔོན་ཚུ་གིས་ཡང་ གྲལ་གཏོགས་འབད་ཡི་ཟེར་ བཀོད་འདུག་པའི་གནས་ཚུལ།

Please follow and like us: