ལྷོ་ཀོ་རི་ཡའི་ དབང་འཛིན་ཚུ་གིས་ ཕྱིར་དབྱུངས་འབད་དེ་ཡོད་མི་ སྲིད་འཛིན་ཡུན་སུག་ཡེ་ཨོལ་གྱི་ འཛིན་བཟུང་བཀག་ཆ།

ཨཱལ་ཇ་ཟི་ར།
སྤྱི་ཟླ་ ༡ པའི་ཚེས་ ༣ ལུ་ ཕྱིར་དབྱུངས་འབད་དེ་ཡོད་མི་ ལྷོ་ཀོ་རི་ཡའི་ སྲིད་འཛིན་ཡུན་སུག་ཡེ་ཨོལ་དེ་ ངན་ལྷད་ཞིབ་དཔྱད་ཡིག་ཚང་གིས་ འཛིན་བཟུང་འབད་ནི་འབདཝ་ད་ ཡུན་སུག་ཡེ་ཨོལ་གྱི་ ཉེན་སྲུང་སྡེ་ཚན་གྱིས་ ཆུ་ཚོད་ ༡ གི་རིང་ལུ་ བཀག་ཆ་འབད་དེ་ བཞག་ཡོདཔ་ལས་ འཛིན་བཟུང་མ་འབད་བར་ ལུས་ཡོདཔ་ཨིན་པས།
དེ་ཡང་ སྲིད་འཛིན་ཡུན་གྱིས་ མདང་ཞག་ དུས་ཡུན་ཐུང་ཀུ་ཅིག་གི་རིང་ལུ་ དྲག་པོའི་སྲིད་གཞུང་བཙུགས་ནི་སྦེ་ གསལ་བསྒྲགས་འབད་ནི་དེ་གིས་ཨིནམ་ད་ ངན་ལྷད་ཞིབ་དཔྱད་ཡིག་ཚང་གི་ འཛིན་བཟུང་བཀའ་རྒྱ་དེ་ ཡུན་གྱི་ཁྱིམ་ནང་གི་ ཉེན་སྲུང་སྡེ་ཚན་གྱིས་ བཀག་ཆ་འབད་ཡོདཔ་ལས་ ཁྱིམ་དེ་ནང་ཡོད་མི་ཚུ་ལུ་ གནོད་སྐྱོན་བཀག་ཐབས་ལུ་ བསྟར་སྤྱོད་མ་འབད་བར་ བཞག་ཡོདཔ་སྦེ་བཤད་ནུག།
གལ་སྲིད་ སྲིད་འཛིན་ཡུན་དེ་ འཛིན་བཟུང་འབད་བ་ཅིན་ ལྷོ་ཀོ་རི་ཡའི་ འབྱུང་རབས་ནང་ སྲིད་འཛིན་བཟུང་འབད་མི་ འགོ་དང་པ་ འོང་ནི་ཨིན་པས་ཟེར་ གནས་ཚུལ་ཅིག་ནང་བཀོད་ནུག།
ལྡོག་ཕྱོགས་ཚོགས་པ་ ཌེ་མོ་ཀེ་རི་ཊིག་གིས་ སྲིད་འཛིན་ངོ་ཚབ་ ཅོའི་སང་མོག་ལུ་ ཕྱིར་དབྱུངས་འབད་དེ་ཡོད་མི་ སྲིད་འཛིན་ཡུན་གྱི་ ཉེན་སྲུང་ཞབས་ཏོག་ ཆ་མེད་གཏང་དགོཔ་སྦེ་ སླབ་ཡོདཔ་ད་ དེ་ཡང་ ད་ལས་ཕར་ གནས་སྟངས་ཟང་ཟིང་ བཀག་ཐབས་ཀྱི་ འགན་ཁུར་དེ་ གནས་སྐབས་ཀྱི་ འགོ་ཁྲིདཔ་ལུ་ འཁྲི་ནི་དེ་གིས་ཨིན་པས།
སྲིད་འཛིན་ཡུན་ལུ་ རྒྱབ་སྐྱོར་འབད་མི་ སྟོང་ཕྲག་ལས་བཅད་མི་ཚུ་གིས་ ཡུན་གྱི་སྐོར་ལས་ ཞིབ་དཔྱད་མཇུག་བསྡུ་སྟེ་ ཕྱིར་དབྱུངས་ཆ་མེད་གཏང་དགོ་པའི་ ངོ་རྒོལ་འགྲེམ་སྟོན་ཚུ་ འགོ་འདྲེན་འཐབ་ཡོདཔ་ད་ སྤྱི་ཟླ་ ༡ པའི་ཚེས་ ༢ ལུ་ འགྲེམ་སྟོན་འབད་མི་ཚུ་གིས་ སྲིད་འཛིན་ཡུན་སུག་ཡེ་ཨེལ་དེ་ མི་སེར་ཚུ་གིས་ སྲུང་སྐྱོབ་འབད་ནི་དང་ འཛིན་བཟུང་བཀའ་རྒྱ་དེ་ཡང་ ཁྲིམས་འགལ་ཨིན་པའི་སྐོར་ལས་ སྐད་རྐྱབ་ནུག་ཟེར་ བཀོད་འདུག་པའི་གནས་ཚུལ།

Please follow and like us: