མི་དབང་མཆོག་གིས་ དབང་འདུས་ཕོ་བྲང་ མཁོ་ཏོག་ཁ་ རྒྱལ་སྲུང་སྦྱོང་བརྡར་སྤེལ་ཁང་ནང་ཆིབས་བསྐྱོད།

སྤྱི་ཟླ་ ༡ པའི་ཚེས་ ༤ ལུ་ མི་དབང་མངའ་བདག་རིན་པོ་ཆེ་མཆོག་གིས་ དབང་འདུས་ཕོ་བྲང་ མཁོ་ཏོག་ཁ་ལུ་ཡོད་མི་ རྒྱལ་སྲུང་སྦྱོང་བརྡར་སྤེལ་ཁང་ནང་ ཆིབས་བསྐྱོད་གནང་སྟེ་ ད་རེས་ནངས་པར་ སྦྱོང་བརྡར་འབད་བའི་བསྒང་ཡོད་མི་ ཤོ་ཐེངས་ ༢ པའི་ རྒྱལ་སྲུངཔ་ཚུ་དང་ མཇལ་ཕྲད་གནང་ནུག། རྒྱལ་སྲུངཔ་ཤོ་ཐེངས་ ༢ པའི་ སྦྱོང་བརྡར་དེ་ཡང་ སྤྱི་ལོ་ ༢༠༢༤ སྤྱི་ཟླ་ ༡༢ པའི་ཚེས་ ༡༦ ལས་ འགོ་བཙུགས་ཡོདཔ་ད་ སྤྱི་ལོ་ ༢༠༢༥ སྤྱི་ཟླ་ ༣ པའི་ཚེས་ ༡༥ ལུ་ མཇུག་བསྡུ་ནི་ཨིན་པས། ད་རེས་ ཤོ་ཐེངས་ ༢ པའི་ནང་ སྦྱོང་བརྡར་འབད་མི་ རྒྱལ་སྲུངཔ་ཚུ་ཡང་ མཁོ་ཏོག་ཁ་ལུ་ ༤༨༨ དང་ རྒྱལ་པོའི་ཞིང་ལུ་ ༢༤༦ པདྨ་ཐང་ལུ་ ༤༧༩ རྒྱ་མཚོ་གླིང་ལུ་ ༤༨༩ འབདཝ་ད་ བདེ་སྲུང་སྦྱོང་བརྡར་སྤེལ་ཁང་ ༤ གི་ནང་ བདེ་སྲུངཔ་བསྡོམས་ ༡,༧༠༢ ཡོདཔ་ཨིན་པའི་གནས་ཚུལ།

Please follow and like us: