ཡུ་ཀེ་རེན་གྱི་ དམག་སྡེ་གིས་ ར་ཤི་ཡའི་ ས་སྣུམ་བཞག་སའི་ ས་ཁོངས་ཅིག་ལུ་ གནོད་འཚུལ་བཀལ་ཡོདཔ།

རོའི་ཊརཛ།
སྤྱི་ཟླ་ ༡ པའི་ཚེས་ ༨ ལུ་ ཡུ་ཀེ་རེན་གྱི་ དམག་སྡེ་གིས་ བཤད་དོ་བཟུམ་འབད་བ་ཅིན་ ར་ཤི་ཡའི་ཁྲོམ་སྡེ་ ཨེང་གཱལཛ་ལུ་ དམག་སྡེའི་གནམ་ཐང་ནང་ ལག་ལེན་འཐབ་མི་ ར་ཤི་ཡའི་ སྣུམ་མཛོད་ས་ཁོངས་ཅིག་ལུ་ ནུབ་མོར་གནོདཔ་བཀལ་ཡི་ཟེར་ཨིན་པས།
དེ་ཡང་ ར་ཤི་ཡ་གིས་ ས་སྣུམ་བཀྲམ་སྤེལ་འབད་སའི་ སྣུམ་མཛོད་ས་ཁོངས་ཅིག་ནང་ ཡུ་ཀེ་རེན་གྱིས་ འགས་རྫས་ལེ་ཤ་ཅིག་ གས་བཅུག་པ་ལུ་བརྟེན་ཏེ་ མེ་རྐྱེན་སྦོམ་སྦེ་ར་ བྱུང་ཡོདཔ་སྦེ་བཀོད་ནུག།
ཡུ་ཀེ་རེན་གྱིས་ དེ་བཟུམ་མའི་ སྣུམ་མཛོད་ས་ཁོངས་ནང་ གནོད་འཚུབ་བཀལ་ཡོདཔ་ལས་ ར་ཤི་ཡ་གིས་ ཡུ་ཀེ་རེན་གྱི་ ཁྲོམ་སྡེ་ཚུ་དང་ ཞི་བའི་མི་སེར་ཚུ་ བདག་ཏུ་བཟུང་ནི་དང་ དམིགས་གཏད་བསྐྱེད་ནི་ཚུ་ མར་འབབ་འགྱོ་འོང་ཟེར་ཨིན་པས།
ཡུ་ཀེ་རེན་ སྲིད་འཛིན་གྱི་གྲོས་དཔོན་ ཨོ་ལེག་སན་ཌར་ ཀ་མི་ཤིན་གྱིས་ ད་རེས་ ཁོང་གི་དམག་མི་ཚུ་གིས་ ཡུ་ཀེ་རེན་གྱིས་ བཟོ་བསྐྲུན་འབད་མི་ ཐག་རིང་གི་ལྕོགས་གྲུབ་ཚུ་ ལག་ལེན་འཐབ་སྟེ་ དྲག་རྒོལ་འབད་ཡོད་པའི་སྐོར་ལས་ གསལ་བཤད་འབད་ནུག།
ར་ཤི་ཡའི་ ས་གནས་དབང་འཛིན་ཚུ་གིས་ ཡུ་ཀེ་རེན་གྱི་ མཁའ་དམག་གནམ་གྲུ་ཆུང་ཀུ་ ཌཱོན་གྱི་ཐོག་ལས་ སཱ་ར་ཊོབ་ ལུང་ཕྱོགས་ནང་ཡོད་མི་ བཟོ་གྲྭ་འཕྲུལ་ཁང་ཅིག་ལུ་ གནོད་འཚུབ་བཀལ་ནི་དེ་གིས་ མེ་རྐྱེན་སྦོམ་སྦེ་ར་ བྱུང་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: