ར་ཤི་ཡ་གིས་ ཡུ་ཀེ་རེན་ལུ་ དྲག་བཅོམ་འབད་མིའི་ནང་ མི་ ༡༣ ལུ་ ཤི་རྐྱེན་དང་ ༡༡༣ ལུ་རྨ་སྐྱོན།

རོའི་ཊརཛ།
སྤྱི་ཟླ་ ༡ པའི་ཚེས་ ༨ ལུ་ ར་ཤི་ཡ་གིས་ ཡུ་ཀེ་རེན་གྱི་ ཤར་ལྷོ་ཁྲོམ་ཚོགས་ ཟ་པོ་རི་ཟི་ཡ་ལུ་ དྲག་བཅོམ་ཐོག་ལས་ རྫས་བམ་གས་བཅུག་མིའི་ནང་ མི་གྲངས་ ༡༣ ལུ་ ཤི་རྐྱེན་དང་ ༡༡༣ ལུ་ རྨ་སྐྱོན་བྱུང་ནུག།
དེ་བཟུམ་སྦེ་ མི་མང་སྐྱེལ་འདྲེན་བཱཛ་ཅིག་ལུ་ གནོད་སྐྱོན་བྱུང་པའི་ཁར་ ཤི་རྐྱེན་བྱུང་མིའི་ ཕུངམོ་ཚུ་ཡང་ རྨ་སྐྱོན་བྱུང་མི་ མི་སེར་ཚུ་གི་ སྦོ་ལོགས་ཁར་ གཏོར་བཞག་ནུག་ཟེར་ ཡུ་ཀེ་རེན་གྱི་ དབང་འཛིན་ཚུ་གིས་ བཤདཔ་ཨིན་པས།
དེ་མ་ཚད་ བཟོ་གྲྭའི་མཐུན་རྐྱེན་དང་ གཞི་རྟེན་མཁོ་ཆས་ གཞན་ཚུ་གིས་གཙོས་པའི་ ཁང་ཚན་ཡོད་མི་ སྒྲིང་ཁྱིམ་ཚུ་ལུ་ཡང་ གནོད་སྐྱོན་བྱུང་ཡོདཔ་སྦེ་ ཡུ་ཀེ་རེན་གྱི་ རྩོད་དཔོན་ཡོངས་ཁྱབ་ཡིག་ཚང་ལས་ གསལ་བསྒྲགས་འབད་ནུག།
ག་དེ་སྦེ་ར་ཨིན་རུང་ སྤྱི་ཟླ་ ༡ པའི་ཚེས་ ༩ ལུ་ ཡུ་ཀེ་རེན་གྱིས་ གཞུང་འབྲེལ་མྱ་ངན་གྱི་ཉིནམ་སྦེ་ གསལ་བསྒྲགས་གནང་ནུག་ཟེར་ བཀོད་འདུག་པའི་གནས་ཚུལ།

Please follow and like us: