རྒྱ་གར་གྱི་རྒྱལ་ས་ ལྡི་ལིའི་ས་གནས་ཁག་ལུ་ བཙོག་རླུང་གིས་ འགྲུལ་བསྐྱོད་ལུ་བར་ཆད།

བི་བི་སི།
སྤྱི་ཟླ་ ༡ པའི་ཚེས་ ༡༠ གྱི་དྲོ་པར་ རྒྱ་གར་གྱི་རྒྱལ་ས་ ལྡི་ལིའི་ས་གནས་ལེ་ཤ་ཅིག་ནང་ ས་སྨུག་སྟུག་དྲགས་དང་ རླུང་མའི་སྤུས་ཚད་ མར་ཉམས་སོང་ཡོདཔ་ལས་ གནམ་གྲུ་དང་ རེལ་ལི་ སྣུམ་འཁོར་ཚུ་ འགྲུལ་བསྐྱོད་འབད་ནི་ལུ་ ཐོ་ཕོག་ནུག།
དེ་ཡང་ གནམ་གཤིས་གནས་སྟངས་ སྐྱོ་དྲགས་ལུ་བརྟེན་ཏེ་ གནམ་གྲུ་ ༡༥༠ ལྷགཔ་ཅིག་ འཕུར་འགྲུལ་འབད་ནི་ འཕྱིས་ཡོདཔ་མ་ཚད་ རེལ་ལི་ ༡༠ དེ་ཅིག་ཡང་ དུས་ཚོད་ཁར་ འགྲུལ་བསྐྱོད་འབད་མ་ཚུགསཔ་ཨིན་པས།
སྤྱི་ཟླ་ ༡༢ པ་ལས་ སྤྱི་ཟླ་ ༡ པ་ཚུན་ལུ་ རྒྱ་གར་གྱི་ བྱང་ཕྱོགས་ས་གནས་ཚུ་ནང་ གནམ་དགུན་ཨ་རྟག་ར་ གྱང་ཤུགས་ཆེཝ་ལས་ བཙོག་རླུང་ཚུ་གིས་ འགྲུལ་བསྐྱོད་འབད་ནི་ལུ་ དཀའ་ངལ་བྱུངམ་མ་ཚད་ ཉེན་ཁ་ཅན་ཅིག་སྦེ་ཡང་ ཐོན་དོ་ཡོདཔ་སྦེ་བཀོད་ནུག།
དབང་འཛིན་ཚུ་གིས་ བཙོག་རླུང་མར་ཕབ་འབད་ཐབས་ལུ་ བཟོ་བསྐྲུན་དང་ གཏོར་བཤིག་གི་ལཱ་ཚུ་ བཀག་ཆ་འབད་བའི་ཁར་ སློབ་གྲྭའི་ཆོས་ཚན་ཚུ་ཡང་ ཡོངས་འབྲེལ་ཐོག་ལས་ འགོ་འདྲེན་འཐབ་དོ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: