པ་ཀིཛ་ཏཱན་གྱི་ བློན་ཆེན་བགྲེསཔ་ ཨིམ་རཱན་ཁཱན་ལུ་ ས་ཆ་ངན་ལྷད་ཀྱི་ ཉེས་འཛུགས་ཐོག་ལུ་ ལོ་ངོ་ ༡༤ གི་བཙོན་ཁྲིམས།

རོའི་ཊརཛ།
སྤྱི་ཟླ་ ༡ པའི་ཚེས་ ༡༧ ལུ་ པ་ཀིཛ་ཏཱན་གྱི་ ཁྲིམས་འདུན་ཅིག་ལས་ བློན་ཆེན་བགྲེསཔ་ ཨིམ་རཱན་ཁཱན་ལུ་ ས་ཆ་ངན་ལྷད་ཐོག་ལས་ ལེན་ཡོད་པའི་ ཉེས་འཛུགས་འབད་དེ་ ལོ་ངོ་ ༡༤ གི་ བཙོན་ཁྲིམས་བཀལ་ཡོདཔ་ཨིན་པས།
འཁྲུན་ཆོད་དེ་ཡང་ སྤྱི་ལོ་ ༢༠༢༣ སྤྱི་ཟླ་ ༨ པའི་ནང་ལས་ རཱ་ཝཱལ་པིན་ཌི་ཁྲོམ་སྡེའི་ གི་རི་སཱན་ཟེར་མི་ བཙོན་ཁང་ནང་ཡོད་མི་ ཨིམ་རཱན་ཁཱན་ལུ་ ངན་ལྷད་བཀག་སྡོམ་ ཁྲིམས་འདུན་གྱིས་ བཏོན་ཡོདཔ་ཨིན་པས།
དེ་མ་ཚད་ སྐྱེས་ལོ་ ༧༢ འབད་མི་ བློན་ཆེན་བགྲེསཔ་ ཨིམ་རཱན་ཁཱན་གྱི་ཨམ་སྲུ་ བུཤ་ར་བི་བི་ལུ་ཡང་ ལོ་ངོ་ ༧ གྱི་ བཙོན་ཁྲིམས་བཀལ་ཡོད་རུང་ འཁྲུན་ཆོད་བཏོན་པའི་ཤུལ་ལས་ བཙོན་འཐུས་སྤྲོད་དེ་ དོ་དམ་འོག་ལུ་བཞག་ནུག།
ཁྲིམས་དོན་བློན་པོ་ ཨ་ཟམ་ན་ཟིར་ཊ་རཱར་གྱིས་ བཤད་དོ་བཟུམ་འབད་བ་ཅིན་ ཨིམ་རཱན་ཁཱན་གྱི་ སྲིད་དོན་ཚོགས་པ་གིས་ ཆེ་མཐོའི་ཁྲིམས་འདུན་ཚུ་ལུ་ མཐོ་གཏུགས་འབད་ཆོག་པའི་ཁར་ པ་ཀིཛ་ཏཱན་གྱི་ སྲིད་འཛིན་ལུ་ཡང་ སྐྱིད་སྡུག་ཞུ་ཆོག་ཟེར་ཨིན་པས།
ས་ཆ་དེ་ སྤྱི་ལོ་ ༢༠༡༨ ལས་ ༢༠༢༢ ཚུན་ ཨིམ་རཱན་ཁཱན་དེ་ བློན་ཆེན་སྦེ་ སྡོད་པའི་སྐབས་ལུ་ གཞིས་ཁྱིམ་ཚོང་འབྲེལ་འཐབ་མི་ཅིག་གིས་ ཁྲིམས་འགལ་འབད་མི་ལུ་ བཀྲིན་དགའ་ཚོར་སྦེ་ ཁོང་བཟའ་ཚང་ ༢ ལུ་ རིན་མེད་སྟོང་མར་ བྱིན་ཡོད་པའི་ ཉེས་འཛུགས་བཀལ་ནུག།
རྩོད་གཞི་དེ་ ཨིམ་རཱན་ཁཱན་དེ་ བློན་ཆེན་སྦེ་ སྡོད་པའི་སྐབས་ལུ་ བཟའ་ཚང་ ༢ ཀྱིས་ གཞི་བཙུགས་འབད་མི་ གཞུང་མིན་ལས་སྡེ་ ཨཱལ་ཀ་ཌིར་ བློ་གཏད་དང་ཡང་ འབྲེལ་བ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: